EeseDharmaSanātana Library
34काण्ड 6 · सूक्त 34
Atharvaveda Śaunaka Kand 6, Sukta 34.
5 shlokप्राग्नये॒ वाच॑मीरय वृष॒भाय॑ क्षिती॒नाम्।
स नः॑ पर्ष॒दति॒ द्विषः॑ ॥१॥
prāgnaye॒ vāca॑mīraya vṛṣa॒bhāya॑ kṣitī॒nām | sa naḥ॑ parṣa॒dati॒ dviṣaḥ॑ || १ ||
यो रक्षां॑सि नि॒जूर्व॑त्य॒ग्निस्ति॒ग्मेन॑ शो॒चिषा॑ ।
स नः॑ पर्ष॒दति॒ द्विषः॑ ॥२॥
yo rakṣāṃ॑si ni॒jūrva॑tya॒gnisti॒gmena॑ śo॒ciṣā॑ | sa naḥ॑ parṣa॒dati॒ dviṣaḥ॑ || २ ||
यः पर॑स्याः परा॒वत॑स्ति॒रो धन्वा॑ति॒रोच॑ते ।
स नः॑ पर्ष॒दति॒ द्विषः॑ ॥३॥
yaḥ para॑syāḥ parā॒vata॑sti॒ro dhanvā॑ti॒roca॑te | sa naḥ॑ parṣa॒dati॒ dviṣaḥ॑ || ३ ||
यो विश्वा॒भि वि॒पश्य॑ति॒ भुव॑ना॒ सं च॒ पश्य॑ति ।
स नः॑ पर्ष॒दति॒ द्विषः॑ ॥४॥
yo viśvā॒bhi vi॒paśya॑ti॒ bhuva॑nā॒ saṃ ca॒ paśya॑ti | sa naḥ॑ parṣa॒dati॒ dviṣaḥ॑ || ४ ||
यो अ॒स्य पा॒रे रज॑सः शु॒क्रो अ॒ग्निरजा॑यत ।
स नः॑ पर्ष॒दति॒ द्विषः॑ ॥५॥
yo a॒sya pā॒re raja॑saḥ śu॒kro a॒gnirajā॑yata | sa naḥ॑ parṣa॒dati॒ dviṣaḥ॑ || ५ ||