EeseDharmaSanātana Library
29काण्ड 6 · सूक्त 29
Atharvaveda Śaunaka Kand 6, Sukta 29.
3 shlokअ॒मून् हे॒तिः प॑त॒त्रिणी॒ न्येऽतु॒ यदुलू॑को॒ वद॑ति मो॒घमे॒तत्।
यद् वा॑ क॒पोत॑ प॒दम॒ग्नौ कृ॒णोति॑ ॥१॥
a॒mūn he॒tiḥ pa॑ta॒triṇī॒ nye’tu॒ yadulū॑ko॒ vada॑ti mo॒ghame॒tat | yad vā॑ ka॒pota॑ pa॒dama॒gnau kṛ॒ṇoti॑ || १ ||
यौ ते॑ दू॒तौ नि॑रृत इ॒दमे॒तोऽप्र॑हितौ॒ प्रहि॑तौ वा गृ॒हं नः॑ ।
क॒पो॒तो॒लू॒काभ्या॒मप॑दं॒ तद॑स्तु ॥२॥
yau te॑ dū॒tau ni॑rṛta i॒dame॒to’pra॑hitau॒ prahi॑tau vā gṛ॒haṃ naḥ॑ | ka॒po॒to॒lū॒kābhyā॒mapa॑daṃ॒ tada॑stu || २ ||
अ॒वै॒र॒ह॒त्याये॒दमा प॑पत्यात् सुवी॒रता॑या इ॒दमा स॑सद्यात्।
परा॑ङे॒व परा॑ वद॒ परा॑ची॒मनु॑ सं॒वत॑म्।
यथा॑ य॒मस्य॑ त्वा गृ॒हेऽर॒सं प्र॑ति॒चाक॑शाना॒भूकं॑ प्रति॒चाक॑शान् ॥३॥
a॒vai॒ra॒ha॒tyāye॒damā pa॑patyāt suvī॒ratā॑yā i॒damā sa॑sadyāt | parā॑ṅe॒va parā॑ vada॒ parā॑cī॒manu॑ saṃ॒vata॑m | yathā॑ ya॒masya॑ tvā gṛ॒he’ra॒saṃ pra॑ti॒cāka॑śānā॒bhūkaṃ॑ prati॒cāka॑śān || ३ ||