EeseDharmaSanātana Library
22काण्ड 6 · सूक्त 22
Atharvaveda Śaunaka Kand 6, Sukta 22.
3 shlokकृ॒ष्णं नि॒यानं॒ हर॑यः सुप॒र्णा अ॒पो वसा॑ना॒ दिव॒मुत् प॑तन्ति ।
त आव॑वृत्र॒न्त्सद॑नादृ॒तस्यादिद् घृ॒तेन॑ पृथि॒वीं व्यूऽदुः ॥१॥
kṛ॒ṣṇaṃ ni॒yānaṃ॒ hara॑yaḥ supa॒rṇā a॒po vasā॑nā॒ diva॒mut pa॑tanti | ta āva॑vṛtra॒ntsada॑nādṛ॒tasyādid ghṛ॒tena॑ pṛthi॒vīṃ vyū’duḥ || १ ||
पय॑स्वतीः कृणुथा॒प ओष॑धीः शि॒वा यदेज॑था मरुतो रुक्मवक्षसः ।
ऊर्जं॑ च॒ तत्र॑ सुम॒तिं च॑ पिन्वत॒ यत्रा॑ नरो मरुतः सि॒ञ्चथा॒ मधु॑ ॥२॥
paya॑svatīḥ kṛṇuthā॒pa oṣa॑dhīḥ śi॒vā yadeja॑thā maruto rukmavakṣasaḥ | ūrjaṃ॑ ca॒ tatra॑ suma॒tiṃ ca॑ pinvata॒ yatrā॑ naro marutaḥ si॒ñcathā॒ madhu॑ || २ ||
उ॒द॒प्रुतो॑ म॒रुत॒स्तां इ॑यर्त वृ॒ष्टिर्या विश्वा॑ नि॒वत॑स्पृ॒णाति॑ ।
एजा॑ति॒ ग्लहा॑ क॒न्येऽव तु॒न्नैरुं॑ तुन्दा॒ना पत्ये॑व जा॒या ॥३॥
u॒da॒pruto॑ ma॒ruta॒stāṃ i॑yarta vṛ॒ṣṭiryā viśvā॑ ni॒vata॑spṛ॒ṇāti॑ | ejā॑ti॒ glahā॑ ka॒nye’va tu॒nnairuṃ॑ tundā॒nā patye॑va jā॒yā || ३ ||