EeseDharmaSanātana Library
21काण्ड 6 · सूक्त 21
Atharvaveda Śaunaka Kand 6, Sukta 21.
3 shlokइ॒मा यास्ति॒स्रः पृ॑थि॒वीस्तासां॑ ह॒ भूमि॑रुत्त॒मा।
तासा॒मधि॑ त्व॒चो अ॒हं भे॑ष॒जं समु॑ जग्रभम् ॥१॥
i॒mā yāsti॒sraḥ pṛ॑thi॒vīstāsāṃ॑ ha॒ bhūmi॑rutta॒mā | tāsā॒madhi॑ tva॒co a॒haṃ bhe॑ṣa॒jaṃ samu॑ jagrabham || १ ||
श्रेष्ठ॑मसि भेष॒जानां॒ वसि॑ष्ठं॒ वीरु॑धानाम्।
सोमो॒ भग॑ इव॒ यामे॑षु॒ दे॒वेषु॒ वरु॑णो॒ यथा॑ ॥२॥
śreṣṭha॑masi bheṣa॒jānāṃ॒ vasi॑ṣṭhaṃ॒ vīru॑dhānām | somo॒ bhaga॑ iva॒ yāme॑ṣu॒ de॒veṣu॒ varu॑ṇo॒ yathā॑ || २ ||
रेव॑ती॒रना॑धृषः सिषा॒सवः॑ सिषासथ ।
उ॒त स्थ के॑श॒दृंह॑णी॒रथो॑ ह केश॒वर्ध॑नीः ॥३॥
reva॑tī॒ranā॑dhṛṣaḥ siṣā॒savaḥ॑ siṣāsatha | u॒ta stha ke॑śa॒dṛṃha॑ṇī॒ratho॑ ha keśa॒vardha॑nīḥ || ३ ||