EeseDharmaSanātana Library
20काण्ड 6 · सूक्त 20
Atharvaveda Śaunaka Kand 6, Sukta 20.
3 shlokअ॒ग्नेरि॑वास्य॒ दह॑त एति शु॒ष्मिण॑ उ॒तेव॑ म॒त्तो वि॒लप॒न्नपा॑यति ।
अ॒न्यम॒स्मदि॑च्छतु॒ कं चि॑दव्र॒तस्तपु॑र्वधाय॒ नमो॑ अस्तु त॒क्मने॑ ॥१॥
a॒gneri॑vāsya॒ daha॑ta eti śu॒ṣmiṇa॑ u॒teva॑ ma॒tto vi॒lapa॒nnapā॑yati | a॒nyama॒smadi॑cchatu॒ kaṃ ci॑davra॒tastapu॑rvadhāya॒ namo॑ astu ta॒kmane॑ || १ ||
नमो॑ रु॒द्राय॒ नमो॑ अस्तु त॒क्मने॒ नमो॒ राज्ञे॒ वरु॑णाय॒ त्विषी॑मते ।
नमो॑ दि॒वे नमः॑ पृथि॒व्यै नम॒ ओष॑धीभ्यः ॥२॥
namo॑ ru॒drāya॒ namo॑ astu ta॒kmane॒ namo॒ rājñe॒ varu॑ṇāya॒ tviṣī॑mate | namo॑ di॒ve namaḥ॑ pṛthi॒vyai nama॒ oṣa॑dhībhyaḥ || २ ||
अ॒यं यो अ॑भिशोचयि॒ष्णुर्विश्वा॑ रू॒पाणि॒ हरि॑ता कृ॒णोषि॑ ।
तस्मै॑ तेऽरु॒णाय॑ ब॒भ्रवे॒ नमः॑ कृणोमि॒ वन्या॑य त॒क्मने॑ ॥३॥
a॒yaṃ yo a॑bhiśocayi॒ṣṇurviśvā॑ rū॒pāṇi॒ hari॑tā kṛ॒ṇoṣi॑ | tasmai॑ te’ru॒ṇāya॑ ba॒bhrave॒ namaḥ॑ kṛṇomi॒ vanyā॑ya ta॒kmane॑ || ३ ||