EeseDharmaSanātana Library
18काण्ड 6 · सूक्त 18
Atharvaveda Śaunaka Kand 6, Sukta 18.
3 shlokई॒र्ष्याया॒ ध्राजिं॑ प्रथ॒मां प्र॑थ॒मस्या॑ उ॒ताप॑राम्।
अ॒ग्निं हृ॑द॒य्यं॑१ शोकं॒ तं ते॒ निर्वा॑पयामसि ॥१॥
ī॒rṣyāyā॒ dhrājiṃ॑ pratha॒māṃ pra॑tha॒masyā॑ u॒tāpa॑rām | a॒gniṃ hṛ॑da॒yyaṃ॑१ śokaṃ॒ taṃ te॒ nirvā॑payāmasi || १ ||
यथा॒ भूमि॑र्मृ॒तम॑ना मृ॒तान्मृ॒तम॑नस्तरा ।
यथो॒त म॒म्रुषो॒ मन॑ ए॒वेर्ष्योर्मृ॒तं मनः॑ ॥२॥
yathā॒ bhūmi॑rmṛ॒tama॑nā mṛ॒tānmṛ॒tama॑nastarā | yatho॒ta ma॒mruṣo॒ mana॑ e॒verṣyormṛ॒taṃ manaḥ॑ || २ ||
अ॒दो यत् ते हृ॒दि श्रि॒तं म॑न॒स्कं प॑तयिष्णु॒कम्।
तत॑स्त ई॒र्ष्यां मु॑ञ्चामि॒ निरू॒ष्माणं॒ दृते॑रिव ॥३॥
a॒do yat te hṛ॒di śri॒taṃ ma॑na॒skaṃ pa॑tayiṣṇu॒kam | tata॑sta ī॒rṣyāṃ mu॑ñcāmi॒ nirū॒ṣmāṇaṃ॒ dṛte॑riva || ३ ||