EeseDharmaSanātana Library
142काण्ड 6 · सूक्त 142
Atharvaveda Śaunaka Kand 6, Sukta 142.
3 shlokउच्छ्र॑यस्व ब॒हुर्भ॑व॒ स्वेन॒ मह॑सा यव ।
मृ॒णी॒हि विश्वा॒ पात्रा॑णि॒ मा त्वा॑ दि॒व्याशनि॑र्वधीत् ॥१॥
ucchra॑yasva ba॒hurbha॑va॒ svena॒ maha॑sā yava | mṛ॒ṇī॒hi viśvā॒ pātrā॑ṇi॒ mā tvā॑ di॒vyāśani॑rvadhīt || १ ||
आ॒शृ॒ण्वन्तं॒ यवं॑ दे॒वं यत्र॑ त्वाच्छा॒वदा॑मसि ।
तदुच्छ्र॑यस्व॒ द्यौरि॑व समु॒द्र इ॑वै॒ध्यक्षि॑तः ॥२॥
ā॒śṛ॒ṇvantaṃ॒ yavaṃ॑ de॒vaṃ yatra॑ tvācchā॒vadā॑masi | taducchra॑yasva॒ dyauri॑va samu॒dra i॑vai॒dhyakṣi॑taḥ || २ ||
अक्षि॑तास्त उप॒सदोऽक्षि॑ताः सन्तु रा॒शयः॑ ।
पृ॒णन्तो॒ अक्षि॑ताः सन्त्व॒त्तारः॑ स॒न्त्वक्षि॑ताः ॥३॥
akṣi॑tāsta upa॒sado’kṣi॑tāḥ santu rā॒śayaḥ॑ | pṛ॒ṇanto॒ akṣi॑tāḥ santva॒ttāraḥ॑ sa॒ntvakṣi॑tāḥ || ३ ||