EeseDharmaSanātana Library
14काण्ड 6 · सूक्त 14
Atharvaveda Śaunaka Kand 6, Sukta 14.
3 shlokअ॒स्थि॒स्रं॒सं प॑रुस्रं॒समास्थि॑तं हृदयाम॒यम्।
ब॒लासं॒ सर्वं॑ नाशयाङ्गे॒ष्ठा यश्च॒ पर्व॑सु ॥१॥
a॒sthi॒sraṃ॒saṃ pa॑rusraṃ॒samāsthi॑taṃ hṛdayāma॒yam | ba॒lāsaṃ॒ sarvaṃ॑ nāśayāṅge॒ṣṭhā yaśca॒ parva॑su || १ ||
निर्ब॒लासं॑ बला॒सिनः॑ क्षि॒णोमि॑ मुष्क॒रं य॑था ।
छि॒नद्म्य॑स्य॒ बन्ध॑नं॒ मूल॑मुर्वा॒र्वा इ॑व ॥२॥
nirba॒lāsaṃ॑ balā॒sinaḥ॑ kṣi॒ṇomi॑ muṣka॒raṃ ya॑thā | chi॒nadmya॑sya॒ bandha॑naṃ॒ mūla॑murvā॒rvā i॑va || २ ||
निर्ब॑लासे॒तः प्र प॑ताशु॒ङ्गः शि॑शु॒को य॑था ।
अथो॒ इट॑ इव हाय॒नोप॑ द्रा॒ह्यवी॑रहा ॥३॥
nirba॑lāse॒taḥ pra pa॑tāśu॒ṅgaḥ śi॑śu॒ko ya॑thā | atho॒ iṭa॑ iva hāya॒nopa॑ drā॒hyavī॑rahā || ३ ||