EeseDharmaSanātana Library
138काण्ड 6 · सूक्त 138
Atharvaveda Śaunaka Kand 6, Sukta 138.
5 shlokत्वं वी॒रुधां॒ श्रेष्ठ॑तमाभिश्रु॒तास्यो॑षधे ।
इ॒मं मे॑ अ॒द्य पुरु॑षं क्ली॒बमो॑प॒शिनं॑ कृधि ॥१॥
tvaṃ vī॒rudhāṃ॒ śreṣṭha॑tamābhiśru॒tāsyo॑ṣadhe | i॒maṃ me॑ a॒dya puru॑ṣaṃ klī॒bamo॑pa॒śinaṃ॑ kṛdhi || १ ||
क्ली॒बं कृ॑ध्योप॒शिन॒मथो॑ कुरी॒रिणं॑ कृधि ।
अथा॒स्येन्द्रो॒ ग्राव॑भ्यामु॒भे भि॑नत्त्वा॒ण्ड्यौऽ ॥२॥
klī॒baṃ kṛ॑dhyopa॒śina॒matho॑ kurī॒riṇaṃ॑ kṛdhi | athā॒syendro॒ grāva॑bhyāmu॒bhe bhi॑nattvā॒ṇḍyau’ || २ ||
क्लीब॑ क्ली॒बं त्वा॑करं॒ वध्रे॒ वध्रिं॑ त्वाकर॒मर॑सार॒सं त्वा॑करम्।
कु॒रीर॑मस्य शी॒र्षणि॒ कुम्बं॑ चाधि॒निद॑ध्मसि ॥३॥
klība॑ klī॒baṃ tvā॑karaṃ॒ vadhre॒ vadhriṃ॑ tvākara॒mara॑sāra॒saṃ tvā॑karam | ku॒rīra॑masya śī॒rṣaṇi॒ kumbaṃ॑ cādhi॒nida॑dhmasi || ३ ||
ये ते॑ ना॒ड्यौऽदे॒वकृ॑ते॒ ययो॒स्तिष्ठ॑ति॒ वृष्ण्य॑म्।
ते ते॑ भिनद्मि॒ शम्य॑या॒मुष्या॒ अधि॑ मु॒ष्कयोः॑ ॥४॥
ye te॑ nā॒ḍyau’de॒vakṛ॑te॒ yayo॒stiṣṭha॑ti॒ vṛṣṇya॑m | te te॑ bhinadmi॒ śamya॑yā॒muṣyā॒ adhi॑ mu॒ṣkayoḥ॑ || ४ ||
यथा॑ न॒डं क॒शिपु॑ने॒ स्त्रियो॑ भि॒न्दन्त्यश्म॑ना ।
ए॒वा भि॑नद्मि ते॒ शेपो॒ऽमुष्या॒ अधि॑ मु॒ष्कयोः॑ ॥५॥
yathā॑ na॒ḍaṃ ka॒śipu॑ne॒ striyo॑ bhi॒ndantyaśma॑nā | e॒vā bhi॑nadmi te॒ śepo॒’muṣyā॒ adhi॑ mu॒ṣkayoḥ॑ || ५ ||