EeseDharmaSanātana Library
137काण्ड 6 · सूक्त 137
Atharvaveda Śaunaka Kand 6, Sukta 137.
3 shlokयां ज॒मद॑ग्नि॒रख॑नद् दुहि॒त्रे के॑श॒वर्ध॑नीम्।
तां वी॒तह॑व्य॒ आभ॑र॒दसि॑तस्य गृ॒हेभ्यः॑ ॥१॥
yāṃ ja॒mada॑gni॒rakha॑nad duhi॒tre ke॑śa॒vardha॑nīm | tāṃ vī॒taha॑vya॒ ābha॑ra॒dasi॑tasya gṛ॒hebhyaḥ॑ || १ ||
अ॒भीशु॑ना॒ मेया॑ आसन् व्या॒मेना॑नु॒मेयाः॑ ।
केशा॑ न॒डा इ॑व वर्धन्तां शी॒र्ष्णस्ते॑ असि॒ताः परि॑ ॥२॥
a॒bhīśu॑nā॒ meyā॑ āsan vyā॒menā॑nu॒meyāḥ॑ | keśā॑ na॒ḍā i॑va vardhantāṃ śī॒rṣṇaste॑ asi॒tāḥ pari॑ || २ ||
दृंह॑ मूल॒माग्रं॑ यच्छ॒ वि मध्यं॑ यामयौषधे ।
केशा॑ न॒डा इ॑व वर्धन्तां शी॒र्ष्णस्ते॑ असि॒ताः परि॑ ॥३॥
dṛṃha॑ mūla॒māgraṃ॑ yaccha॒ vi madhyaṃ॑ yāmayauṣadhe | keśā॑ na॒ḍā i॑va vardhantāṃ śī॒rṣṇaste॑ asi॒tāḥ pari॑ || ३ ||