Atharvaveda Śaunaka 6.134.1◌ EeseDharma mein verified
अ॒यं वज्र॑स्तर्पयतामृ॒तस्यावा॑स्य रा॒ष्ट्रमप॑ हन्तु जीवि॒तम्।
शृ॒णातु॑ ग्री॒वाः प्र शृ॑णातू॒ष्णिहा॑ वृ॒त्रस्ये॑व॒ शची॒पतिः॑ ॥१॥
Roman readinga॒yaṃ vajra॑starpayatāmṛ॒tasyāvā॑sya rā॒ṣṭramapa॑ hantu jīvi॒tam | śṛ॒ṇātu॑ grī॒vāḥ pra śṛ॑ṇātū॒ṣṇihā॑ vṛ॒trasye॑va॒ śacī॒patiḥ॑ || १ ||
Project-owned meaning abhi available nahi hai.
Atharvaveda Śaunaka 6.134.2◌ EeseDharma mein verified
अध॑रोऽधर॒ उत्त॑रेभ्यो गू॒ढः पृ॑थि॒व्या मोत् सृपत्।
वज्रे॒णाव॑हतः शयाम् ॥२॥
Roman readingadha॑ro’dhara॒ utta॑rebhyo gū॒ḍhaḥ pṛ॑thi॒vyā mot sṛpat | vajre॒ṇāva॑hataḥ śayām || २ ||
Project-owned meaning abhi available nahi hai.
Atharvaveda Śaunaka 6.134.3◌ EeseDharma mein verified
यो जि॒नाति॒ तमन्वि॑च्छ यो जि॒नाति॒ तमिज्ज॑हि ।
जि॒न॒तो व॑ज्र॒ त्वं सी॒मन्त॑म॒न्वञ्च॒मनु॑ पातय ॥३॥
Roman readingyo ji॒nāti॒ tamanvi॑ccha yo ji॒nāti॒ tamijja॑hi | ji॒na॒to va॑jra॒ tvaṃ sī॒manta॑ma॒nvañca॒manu॑ pātaya || ३ ||
Project-owned meaning abhi available nahi hai.
