EeseDharmaSanātana Library
130काण्ड 6 · सूक्त 130
Atharvaveda Śaunaka Kand 6, Sukta 130.
4 shlokर॒थ॒जितां॑ राथजिते॒यीना॑मप्स॒रसा॑म॒यं स्म॒रः ।
देवाः॒ प्र हि॑णुत स्म॒रम॒सौ मामनु॑ शोचतु ॥१॥
ra॒tha॒jitāṃ॑ rāthajite॒yīnā॑mapsa॒rasā॑ma॒yaṃ sma॒raḥ | devāḥ॒ pra hi॑ṇuta sma॒rama॒sau māmanu॑ śocatu || १ ||
अ॒सौ मे॑ स्मरता॒दिति॑ प्रि॒यो मे॑ स्मरता॒दिति॑ ।
देवाः॒ प्र हि॑णुत स्म॒रम॒सौ मामनु॑ शोचतु ॥२॥
a॒sau me॑ smaratā॒diti॑ pri॒yo me॑ smaratā॒diti॑ | devāḥ॒ pra hi॑ṇuta sma॒rama॒sau māmanu॑ śocatu || २ ||
यथा॒ मम॒ स्मरा॑द॒सौ नामुष्या॒हं क॒दा च॒न।
देवाः॒ प्र हि॑णुत स्म॒रम॒सौ मामनु॑ शोचतु ॥३॥
yathā॒ mama॒ smarā॑da॒sau nāmuṣyā॒haṃ ka॒dā ca॒na | devāḥ॒ pra hi॑ṇuta sma॒rama॒sau māmanu॑ śocatu || ३ ||
उन्मा॑दयत मरुत॒ उद॑न्तरिक्ष मादय ।
अग्न॒ उन्मा॑दया॒ त्वम॒सौ मामनु॑ शोचतु ॥४॥
unmā॑dayata maruta॒ uda॑ntarikṣa mādaya | agna॒ unmā॑dayā॒ tvama॒sau māmanu॑ śocatu || ४ ||