EeseDharmaSanātana Library
13काण्ड 6 · सूक्त 13
Atharvaveda Śaunaka Kand 6, Sukta 13.
3 shlokनमो॑ देवव॒धेभ्यो॒ नमो॑ राजव॒धेभ्यः॑ ।
अथो॒ ये विश्या॑नां व॒धास्तेभ्यो॑ मृत्यो॒ नमो॑ऽस्तु ते ॥१॥
namo॑ devava॒dhebhyo॒ namo॑ rājava॒dhebhyaḥ॑ | atho॒ ye viśyā॑nāṃ va॒dhāstebhyo॑ mṛtyo॒ namo॑’stu te || १ ||
नम॑स्ते अधिवा॒काय॑ परावा॒काय॑ ते॒ नमः॑ ।
सु॒म॒त्यै मृ॑त्यो ते॒ नमो॑ दुर्म॒त्यै त॑ इ॒दं नमः॑ ॥२॥
nama॑ste adhivā॒kāya॑ parāvā॒kāya॑ te॒ namaḥ॑ | su॒ma॒tyai mṛ॑tyo te॒ namo॑ durma॒tyai ta॑ i॒daṃ namaḥ॑ || २ ||
नम॑स्ते यातु॒धाने॑भ्यो॒ नम॑स्ते भेष॒जेभ्यः॑ ।
नम॑स्ते मृत्यो॒ मूले॑भ्यो ब्राह्म॒णेभ्य॑ इ॒दं नमः॑ ॥३॥
nama॑ste yātu॒dhāne॑bhyo॒ nama॑ste bheṣa॒jebhyaḥ॑ | nama॑ste mṛtyo॒ mūle॑bhyo brāhma॒ṇebhya॑ i॒daṃ namaḥ॑ || ३ ||