EeseDharmaSanātana Library
129काण्ड 6 · सूक्त 129
Atharvaveda Śaunaka Kand 6, Sukta 129.
3 shlokभगे॑न मा शांश॒पेन॑ सा॒कमिन्द्रे॑ण मे॒दिना॑ ।
कृ॒णोमि॑ भ॒गिनं॒ माप॑ द्रा॒न्त्वरा॑तयः ॥१॥
bhage॑na mā śāṃśa॒pena॑ sā॒kamindre॑ṇa me॒dinā॑ | kṛ॒ṇomi॑ bha॒ginaṃ॒ māpa॑ drā॒ntvarā॑tayaḥ || १ ||
येन॑ वृ॒क्षाँ अ॒भ्यभ॑वो॒ भगे॑न॒ वर्च॑सा स॒ह।
तेन॑ मा भ॒गिनं॑ कृ॒ण्वप॑ द्रा॒न्त्वरा॑तयः ॥२॥
yena॑ vṛ॒kṣām̐ a॒bhyabha॑vo॒ bhage॑na॒ varca॑sā sa॒ha | tena॑ mā bha॒ginaṃ॑ kṛ॒ṇvapa॑ drā॒ntvarā॑tayaḥ || २ ||
यो अ॒न्धो यः पु॑नःस॒रो भगो॑ वृ॒क्षेष्वाहि॑तः ।
तेन॑ मा भ॒गिनं॑ कृ॒ण्वप॑ द्रा॒न्त्वरा॑तयः ॥३॥
yo a॒ndho yaḥ pu॑naḥsa॒ro bhago॑ vṛ॒kṣeṣvāhi॑taḥ | tena॑ mā bha॒ginaṃ॑ kṛ॒ṇvapa॑ drā॒ntvarā॑tayaḥ || ३ ||