EeseDharmaSanātana Library
128काण्ड 6 · सूक्त 128
Atharvaveda Śaunaka Kand 6, Sukta 128.
4 shlokश॒क॒धूमं॒ नक्ष॑त्राणि॒ यद् राजा॑न॒मकु॑र्वत ।
भ॒द्रा॒हम॑स्मै॒ प्राय॑च्छन्नि॒दं रा॒ष्ट्रमसा॒दिति॑ ॥१॥
śa॒ka॒dhūmaṃ॒ nakṣa॑trāṇi॒ yad rājā॑na॒maku॑rvata | bha॒drā॒hama॑smai॒ prāya॑cchanni॒daṃ rā॒ṣṭramasā॒diti॑ || १ ||
भ॒द्रा॒हं नो॑ म॒ध्यंदि॑ने भद्रा॒हं सा॒यम॑स्तु नः ।
भ॒द्रा॒हं नो॒ अह्नां॑ प्रा॒ता रात्री॑ भद्रा॒हम॑स्तु नः ॥२॥
bha॒drā॒haṃ no॑ ma॒dhyaṃdi॑ne bhadrā॒haṃ sā॒yama॑stu naḥ | bha॒drā॒haṃ no॒ ahnāṃ॑ prā॒tā rātrī॑ bhadrā॒hama॑stu naḥ || २ ||
अ॒हो॒रा॒त्राभ्यां॒ नक्ष॑त्रेभ्यः सूर्याचन्द्र॒मसा॑भ्याम्।
भ॒द्रा॒हम॒स्मभ्यं॑ राज॒न्छक॑धूम॒ त्वं कृ॑धि ॥३॥
a॒ho॒rā॒trābhyāṃ॒ nakṣa॑trebhyaḥ sūryācandra॒masā॑bhyām | bha॒drā॒hama॒smabhyaṃ॑ rāja॒nchaka॑dhūma॒ tvaṃ kṛ॑dhi || ३ ||
यो नो॑ भद्रा॒हमक॑रः सा॒यं नक्त॒मथो॒ दिवा॑ ।
तस्मै॑ ते नक्षत्रराज॒ शक॑धूम॒ सदा॒ नमः॑ ॥४॥
yo no॑ bhadrā॒hamaka॑raḥ sā॒yaṃ nakta॒matho॒ divā॑ | tasmai॑ te nakṣatrarāja॒ śaka॑dhūma॒ sadā॒ namaḥ॑ || ४ ||