EeseDharmaSanātana Library
125काण्ड 6 · सूक्त 125
Atharvaveda Śaunaka Kand 6, Sukta 125.
3 shlokवन॑स्पते वी॒ड्वऽङ्गो॒ हि भू॒या अ॒स्मत्स॑खा प्र॒तर॑णः सु॒वीरः॑ ।
गोभिः॒ संन॑द्धो असि वी॒डय॑स्वास्था॒ता ते॑ जयतु॒ जेत्वा॑नि ॥१॥
vana॑spate vī॒ḍva’ṅgo॒ hi bhū॒yā a॒smatsa॑khā pra॒tara॑ṇaḥ su॒vīraḥ॑ | gobhiḥ॒ saṃna॑ddho asi vī॒ḍaya॑svāsthā॒tā te॑ jayatu॒ jetvā॑ni || १ ||
दि॒वस्पृ॑थि॒व्याः पर्योज॒ उद्भृ॑तं॒ वन॒स्पति॑भ्यः॒ पर्याभृ॑तं॒ सहः॑ ।
अ॒पामो॒ज्मानं॒ परि॒ गोभि॒रावृ॑त॒मिन्द्र॑स्य॒ वज्रं॑ ह॒विषा॒ रथं॑ यज ॥२॥
di॒vaspṛ॑thi॒vyāḥ paryoja॒ udbhṛ॑taṃ॒ vana॒spati॑bhyaḥ॒ paryābhṛ॑taṃ॒ sahaḥ॑ | a॒pāmo॒jmānaṃ॒ pari॒ gobhi॒rāvṛ॑ta॒mindra॑sya॒ vajraṃ॑ ha॒viṣā॒ rathaṃ॑ yaja || २ ||
इन्द्र॒स्यौजो॑ म॒रुता॒मनी॑कं मि॒त्रस्य॒ गर्भो॒ वरु॑णस्य॒ नाभिः॑ ।
स इ॒मां नो॑ ह॒व्यदा॑तिं जुषा॒णो देव॑ रथ॒ प्रति॑ ह॒व्या गृभाय ॥३॥
indra॒syaujo॑ ma॒rutā॒manī॑kaṃ mi॒trasya॒ garbho॒ varu॑ṇasya॒ nābhiḥ॑ | sa i॒māṃ no॑ ha॒vyadā॑tiṃ juṣā॒ṇo deva॑ ratha॒ prati॑ ha॒vyā gṛbhāya || ३ ||