EeseDharmaSanātana Library
124काण्ड 6 · सूक्त 124
Atharvaveda Śaunaka Kand 6, Sukta 124.
3 shlokदि॒वो नु मां बृ॑ह॒तो अ॒न्तरि॑क्षाद॒पां स्तो॒को अ॒भ्यऽपप्तद् रसे॑न ।
समि॑न्द्रि॒येण॒ पय॑सा॒हम॑ग्ने॒ छन्दो॑भिर्य॒ज्ञैः सु॒कृतां॑ कृ॒तेन॑ ॥१॥
di॒vo nu māṃ bṛ॑ha॒to a॒ntari॑kṣāda॒pāṃ sto॒ko a॒bhya’paptad rase॑na | sami॑ndri॒yeṇa॒ paya॑sā॒hama॑gne॒ chando॑bhirya॒jñaiḥ su॒kṛtāṃ॑ kṛ॒tena॑ || १ ||
यदि॑ वृ॒क्षाद॒भ्यप॑प्त॒त् फलं॒ तद् यद्य॒न्तरि॑क्षा॒त् स उ॑ वा॒युरे॒व।
यत्रास्पृ॑क्षत् त॒न्वो॒३यच्च॒ वास॑स॒ आपो॑ नुदन्तु॒ निरृ॑तिं परा॒चैः ॥२॥
yadi॑ vṛ॒kṣāda॒bhyapa॑pta॒t phalaṃ॒ tad yadya॒ntari॑kṣā॒t sa u॑ vā॒yure॒va | yatrāspṛ॑kṣat ta॒nvo॒३yacca॒ vāsa॑sa॒ āpo॑ nudantu॒ nirṛ॑tiṃ parā॒caiḥ || २ ||
अ॒भ्यञ्ज॑नं सुर॒भि सा समृ॑द्धि॒र्हिर॑ण्यं॒ वर्च॒स्तदु॑ पू॒त्रिम॑मे॒व।
सर्वा॑ प॒वित्रा॒ वित॒ताध्य॒स्मत् तन्मा ता॑री॒न्निरृ॑ति॒र्मो अरा॑तिः ॥३॥
a॒bhyañja॑naṃ sura॒bhi sā samṛ॑ddhi॒rhira॑ṇyaṃ॒ varca॒stadu॑ pū॒trima॑me॒va | sarvā॑ pa॒vitrā॒ vita॒tādhya॒smat tanmā tā॑rī॒nnirṛ॑ti॒rmo arā॑tiḥ || ३ ||