EeseDharmaSanātana Library
123काण्ड 6 · सूक्त 123
Atharvaveda Śaunaka Kand 6, Sukta 123.
5 shlokए॒तं स॑धस्थाः॒ परि॑ वो ददामि॒ यं शे॑व॒धिमा॒वहा॑ज्जा॒तवे॑दाः ।
अ॒न्वा॒ग॒न्ता यज॑मानः स्व॒स्ति तं स्म॑ जानीत पर॒मे व्योऽमन् ॥१॥
e॒taṃ sa॑dhasthāḥ॒ pari॑ vo dadāmi॒ yaṃ śe॑va॒dhimā॒vahā॑jjā॒tave॑dāḥ | a॒nvā॒ga॒ntā yaja॑mānaḥ sva॒sti taṃ sma॑ jānīta para॒me vyo’man || १ ||
जा॒नी॒त स्मै॑नं पर॒मे व्योऽम॒न् देवाः॒ सध॑स्था वि॒द लो॒कमत्र॑ ।
अ॒न्वा॒ग॒न्ता यज॑मानः स्व॒स्तीऽष्टापू॒र्तं स्म॑ कृणुता॒विर॑स्मै ॥२॥
jā॒nī॒ta smai॑naṃ para॒me vyo’ma॒n devāḥ॒ sadha॑sthā vi॒da lo॒kamatra॑ | a॒nvā॒ga॒ntā yaja॑mānaḥ sva॒stī’ṣṭāpū॒rtaṃ sma॑ kṛṇutā॒vira॑smai || २ ||
देवाः॒ पित॑रः॒ पित॑रो॒ देवाः॑ ।
यो अस्मि॒ सो अ॑स्मि ॥३॥
devāḥ॒ pita॑raḥ॒ pita॑ro॒ devāḥ॑ | yo asmi॒ so a॑smi || ३ ||
स प॑चामि॒ स द॑दामि॒ ।
स य॑जे॒ स द॒त्तान्मा यू॑षम् ॥४॥
sa pa॑cāmi॒ sa da॑dāmi॒ | sa ya॑je॒ sa da॒ttānmā yū॑ṣam || ४ ||
नाके॑ राज॑न् प्रति॑ तिष्ठ॒ तत्रै॒तत् प्रति॑ तिष्ठतु ।
वि॒द्धि पू॒र्तस्य॑ नो राज॒न्त्स दे॑व सु॒मना॑ भव ॥५॥
nāke॑ rāja॑n prati॑ tiṣṭha॒ tatrai॒tat prati॑ tiṣṭhatu | vi॒ddhi pū॒rtasya॑ no rāja॒ntsa de॑va su॒manā॑ bhava || ५ ||