EeseDharmaSanātana Library
121काण्ड 6 · सूक्त 121
Atharvaveda Śaunaka Kand 6, Sukta 121.
4 shlokवि॒षाणा॒ पाशा॒न् वि ष्याध्य॒स्मद् य उ॑त्त॒मा अ॑ध॒मा वा॑रु॒णा ये।
दु॒ष्वप्न्यं॑ दुरि॒तं नि ष्वा॒स्मदथ॑ गच्छेम सुकृ॒तस्य॑ लो॒कम् ॥१॥
vi॒ṣāṇā॒ pāśā॒n vi ṣyādhya॒smad ya u॑tta॒mā a॑dha॒mā vā॑ru॒ṇā ye | du॒ṣvapnyaṃ॑ duri॒taṃ ni ṣvā॒smadatha॑ gacchema sukṛ॒tasya॑ lo॒kam || १ ||
यद् दारु॑णि ब॒ध्यसे॒ यच्च॒ रज्ज्वां॒ यद् भूम्यां॑ ब॒ध्यसे॒ यच्च॑ वा॒चा।
अ॒यं तस्मा॒द् गार्ह॑पत्यो नो अ॒ग्निरुदिन्न॑याति सुकृ॒तस्य॑ लो॒कम् ॥२॥
yad dāru॑ṇi ba॒dhyase॒ yacca॒ rajjvāṃ॒ yad bhūmyāṃ॑ ba॒dhyase॒ yacca॑ vā॒cā | a॒yaṃ tasmā॒d gārha॑patyo no a॒gnirudinna॑yāti sukṛ॒tasya॑ lo॒kam || २ ||
उद॑गातां॒ भग॑वती वि॒चृतौ॒ नाम॒ तार॑के ।
प्रेहामृत॑स्य यच्छतां॒ प्रैतु॑ बद्धक॒मोच॑नम् ॥३॥
uda॑gātāṃ॒ bhaga॑vatī vi॒cṛtau॒ nāma॒ tāra॑ke | prehāmṛta॑sya yacchatāṃ॒ praitu॑ baddhaka॒moca॑nam || ३ ||
वि जि॑हीष्व लो॒कं कृ॑णु ब॒न्धान्मु॑ञ्चासि॒ बद्ध॑कम्।
योन्या॑ इव॒ प्रच्यु॑तो॒ गर्भः॑ प॒थः सर्वां॒ अनु॑ क्षिय ॥४॥
vi ji॑hīṣva lo॒kaṃ kṛ॑ṇu ba॒ndhānmu॑ñcāsi॒ baddha॑kam | yonyā॑ iva॒ pracyu॑to॒ garbhaḥ॑ pa॒thaḥ sarvāṃ॒ anu॑ kṣiya || ४ ||