EeseDharmaSanātana Library
119काण्ड 6 · सूक्त 119
Atharvaveda Śaunaka Kand 6, Sukta 119.
3 shlokयददी॑व्यन्नृ॒णम॒हं कृ॒णोम्यदा॑स्यन्नग्न उ॒त सं॑गृ॒णामि॑ ।
वै॒श्वा॒न॒रो नो॑ अधि॒पा वसि॑ष्ठ॒ उदिन्न॑याति सुकृ॒तस्य॑ लो॒कम् ॥१॥
yadadī॑vyannṛ॒ṇama॒haṃ kṛ॒ṇomyadā॑syannagna u॒ta saṃ॑gṛ॒ṇāmi॑ | vai॒śvā॒na॒ro no॑ adhi॒pā vasi॑ṣṭha॒ udinna॑yāti sukṛ॒tasya॑ lo॒kam || १ ||
वै॒श्वा॒न॒राय॒ प्रति॑ वेदयामि॒ यद्यृ॒णं सं॑ग॒रो दे॒वता॑सु ।
स ए॒तान् पाशा॑न् वि॒चृतं॑ वेद॒ सर्वा॒नथ॑ प॒क्वेन॑ स॒ह सं भ॑वेम ॥२॥
vai॒śvā॒na॒rāya॒ prati॑ vedayāmi॒ yadyṛ॒ṇaṃ saṃ॑ga॒ro de॒vatā॑su | sa e॒tān pāśā॑n vi॒cṛtaṃ॑ veda॒ sarvā॒natha॑ pa॒kvena॑ sa॒ha saṃ bha॑vema || २ ||
वै॒श्वा॒न॒रः प॑वि॒ता मा॑ पुनातु॒ यत् सं॑ग॒रम॑भि॒धावा॑म्या॒शाम्।
अना॑जान॒न् मन॑सा॒ याच॑मानो॒ यत् तत्रैनो॒ अप॒ तत् सु॑वामि ॥३॥
vai॒śvā॒na॒raḥ pa॑vi॒tā mā॑ punātu॒ yat saṃ॑ga॒rama॑bhi॒dhāvā॑myā॒śām | anā॑jāna॒n mana॑sā॒ yāca॑māno॒ yat tatraino॒ apa॒ tat su॑vāmi || ३ ||