EeseDharmaSanātana Library
118काण्ड 6 · सूक्त 118
Atharvaveda Śaunaka Kand 6, Sukta 118.
3 shlokयद्धस्ता॑भ्यां चकृ॒म किल्बि॑षाण्य॒क्षानां॑ ग॒त्नुमु॑प॒लिप्स॑मानाः ।
उ॒ग्रं॒प॒श्ये उ॑ग्र॒जितौ॒ तद॒द्याप्स॒रसा॒वनु॑ दत्तामृ॒णं नः॑ ॥१॥
yaddhastā॑bhyāṃ cakṛ॒ma kilbi॑ṣāṇya॒kṣānāṃ॑ ga॒tnumu॑pa॒lipsa॑mānāḥ | u॒graṃ॒pa॒śye u॑gra॒jitau॒ tada॒dyāpsa॒rasā॒vanu॑ dattāmṛ॒ṇaṃ naḥ॑ || १ ||
उग्रं॑पश्ये॒ राष्ट्र॑भृ॒त् किल्बि॑षाणि॒ यद॒क्षवृ॑त्त॒मनु॑ दत्तं न ए॒तत्।
ऋ॒णान्नो॒ नर्णमेर्त्स॑मानो य॒मस्य॑ लो॒के अधि॑रज्जु॒रा॑यत् ॥२॥
ugraṃ॑paśye॒ rāṣṭra॑bhṛ॒t kilbi॑ṣāṇi॒ yada॒kṣavṛ॑tta॒manu॑ dattaṃ na e॒tat | ṛ॒ṇānno॒ narṇamertsa॑māno ya॒masya॑ lo॒ke adhi॑rajju॒rā॑yat || २ ||
यस्मा॑ ऋ॒णं यस्य॑ जा॒यामु॒पैमि॒ यं याच॑मानो अ॒भ्यैमि॑ देवाः ।
ते वाचं॑ वादिषु॒र्मोत्त॑रां॒ मद्देव॑पत्नी॒ अप्स॑रसा॒वधी॑तम् ॥३॥
yasmā॑ ṛ॒ṇaṃ yasya॑ jā॒yāmu॒paimi॒ yaṃ yāca॑māno a॒bhyaimi॑ devāḥ | te vācaṃ॑ vādiṣu॒rmotta॑rāṃ॒ maddeva॑patnī॒ apsa॑rasā॒vadhī॑tam || ३ ||