EeseDharmaSanātana Library
117काण्ड 6 · सूक्त 117
Atharvaveda Śaunaka Kand 6, Sukta 117.
3 shlokअ॒प॒मित्य॒मप्र॑तीत्तं॒ यदस्मि॑ य॒मस्य॒ येन॑ ब॒लिना॒ चरा॑मि ।
इ॒दं तद॑ग्ने अनृ॒णो भ॑वामि॒ त्वं पाशा॑न् वि॒चृतं॑ वेत्थ॒ सर्वा॑न् ॥१॥
a॒pa॒mitya॒mapra॑tīttaṃ॒ yadasmi॑ ya॒masya॒ yena॑ ba॒linā॒ carā॑mi | i॒daṃ tada॑gne anṛ॒ṇo bha॑vāmi॒ tvaṃ pāśā॑n vi॒cṛtaṃ॑ vettha॒ sarvā॑n || १ ||
इ॒हैव सन्तः॒ प्रति॑ दद्म एनज्जी॒वा जी॒वेभ्यो॒ नि ह॑राम एनत्।
अ॒प॒मित्य॑ धा॒न्यं॑१ यज्ज॒घसा॒हमि॒दं तद॑ग्ने अनृ॒णो भ॑वामि ॥२॥
i॒haiva santaḥ॒ prati॑ dadma enajjī॒vā jī॒vebhyo॒ ni ha॑rāma enat | a॒pa॒mitya॑ dhā॒nyaṃ॑१ yajja॒ghasā॒hami॒daṃ tada॑gne anṛ॒ṇo bha॑vāmi || २ ||
अ॒नृ॒णा अ॒स्मिन्न॑नृ॒णाः पर॑स्मिन् तृ॒तीये॑ लो॒के अ॑नृ॒णाः स्या॑म ।
ये दे॑व॒यानाः॑ पितृ॒याणा॑श्च लो॒काः सर्वा॑न् प॒थो अ॑नृ॒णा आ क्षि॑येम ॥३॥
a॒nṛ॒ṇā a॒sminna॑nṛ॒ṇāḥ para॑smin tṛ॒tīye॑ lo॒ke a॑nṛ॒ṇāḥ syā॑ma | ye de॑va॒yānāḥ॑ pitṛ॒yāṇā॑śca lo॒kāḥ sarvā॑n pa॒tho a॑nṛ॒ṇā ā kṣi॑yema || ३ ||