EeseDharmaSanātana Library
116काण्ड 6 · सूक्त 116
Atharvaveda Śaunaka Kand 6, Sukta 116.
3 shlokयद् या॒मं च॒क्रुर्नि॒खन॑न्तो॒ अग्रे॒ कार्षी॑वणा अन्न॒विदो॒ न वि॒द्यया॑ ।
वै॒व॒स्व॒ते राज॑नि॒ तज्जु॑हो॒म्यथ॑ य॒ज्ञियं॒ मधु॑मदस्तु॒ नोऽन्न॑म् ॥१॥
yad yā॒maṃ ca॒krurni॒khana॑nto॒ agre॒ kārṣī॑vaṇā anna॒vido॒ na vi॒dyayā॑ | vai॒va॒sva॒te rāja॑ni॒ tajju॑ho॒myatha॑ ya॒jñiyaṃ॒ madhu॑madastu॒ no’nna॑m || १ ||
वै॒व॒स्व॒तः कृ॑णवद् भाग॒धेयं॒ मधु॑भागो॒ मधु॑ना॒ सं सृ॑जाति ।
मा॒तुर्यदेन॑ इषि॒तं न॒ आग॒न् यद् वा॑ पि॒ताप॑राद्धो जिही॒डे ॥२॥
vai॒va॒sva॒taḥ kṛ॑ṇavad bhāga॒dheyaṃ॒ madhu॑bhāgo॒ madhu॑nā॒ saṃ sṛ॑jāti | mā॒turyadena॑ iṣi॒taṃ na॒ āga॒n yad vā॑ pi॒tāpa॑rāddho jihī॒ḍe || २ ||
यदी॒दं मा॒तुर्यदि॑ पि॒तुर्नः॒ परि॒ भ्रातुः॑ पु॒त्राच्चेत॑स॒ एन॒ आग॑न्।
याव॑न्तो अ॒स्मान् पि॒तरः॒ सच॑न्ते॒ तेषां॒ सर्वे॑षां शि॒वो अ॑स्तु म॒न्युः ॥३॥
yadī॒daṃ mā॒turyadi॑ pi॒turnaḥ॒ pari॒ bhrātuḥ॑ pu॒trācceta॑sa॒ ena॒ āga॑n | yāva॑nto a॒smān pi॒taraḥ॒ saca॑nte॒ teṣāṃ॒ sarve॑ṣāṃ śi॒vo a॑stu ma॒nyuḥ || ३ ||