EeseDharmaSanātana Library
114काण्ड 6 · सूक्त 114
Atharvaveda Śaunaka Kand 6, Sukta 114.
3 shlokयद् दे॑वा देव॒हेड॑नं॒ देवा॑सश्चकृ॒मा व॒यम्।
आदि॑त्या॒स्तस्मा॑न्नो यू॒यमृ॒तस्य॒र्तेन॑ मुञ्चत ॥१॥
yad de॑vā deva॒heḍa॑naṃ॒ devā॑saścakṛ॒mā va॒yam | ādi॑tyā॒stasmā॑nno yū॒yamṛ॒tasya॒rtena॑ muñcata || १ ||
ऋ॒तस्य॒र्ते॑ना॑दित्या॒ यज॑त्रा मु॒ञ्चते॒ह नः॑ ।
य॒ज्ञं यद् य॑ज्ञवाहसः॒ शिक्ष॑न्तो॒ नोप॑शेकि॒म ॥२॥
ṛ॒tasya॒rte॑nā॑dityā॒ yaja॑trā mu॒ñcate॒ha naḥ॑ | ya॒jñaṃ yad ya॑jñavāhasaḥ॒ śikṣa॑nto॒ nopa॑śeki॒ma || २ ||
मेद॑स्वता॒ यज॑मानाः स्रु॒चाज्या॑नि॒ जुह्व॑तः ।
अ॒का॒मा वि॑श्वे वो देवाः॒ शिक्ष॑न्तो॒ नोप॑ शेकि॒म ॥३॥
meda॑svatā॒ yaja॑mānāḥ sru॒cājyā॑ni॒ juhva॑taḥ | a॒kā॒mā vi॑śve vo devāḥ॒ śikṣa॑nto॒ nopa॑ śeki॒ma || ३ ||