EeseDharmaSanātana Library
112काण्ड 6 · सूक्त 112
Atharvaveda Śaunaka Kand 6, Sukta 112.
3 shlokमा ज्ये॒ष्ठं व॑धीद॒यम॑ग्न ए॒षां मू॑ल॒बर्ह॑णा॒त् परि॑ पाह्येनम्।
स ग्राह्याः॒ पाशा॒न् वि चृ॑त प्रजा॒नन् तुभ्यं॑ दे॒वा अनु॑ जानन्तु॒ विश्वे॑ ॥१॥
mā jye॒ṣṭhaṃ va॑dhīda॒yama॑gna e॒ṣāṃ mū॑la॒barha॑ṇā॒t pari॑ pāhyenam | sa grāhyāḥ॒ pāśā॒n vi cṛ॑ta prajā॒nan tubhyaṃ॑ de॒vā anu॑ jānantu॒ viśve॑ || १ ||
उन्मु॑ञ्च॒ पाशां॒स्त्वम॑ग्न ए॒षां त्रय॑स्त्रि॒भिरुत्सि॑ता॒ येभि॒रास॑न्।
स ग्राह्याः॒ पाशा॒न् वि चृ॑त प्रजा॒नन् पि॑तापु॒त्रौ मा॒तरं॑ मुञ्च॒ सर्वा॑न् ॥२॥
unmu॑ñca॒ pāśāṃ॒stvama॑gna e॒ṣāṃ traya॑stri॒bhirutsi॑tā॒ yebhi॒rāsa॑n | sa grāhyāḥ॒ pāśā॒n vi cṛ॑ta prajā॒nan pi॑tāpu॒trau mā॒taraṃ॑ muñca॒ sarvā॑n || २ ||
येभिः॒ पाशैः॒ परि॑वित्तो॒ विब॒द्धोऽङ्गे॑अङ्ग॒ आर्पि॑त॒ उत्सि॑तश्च ।
वि ते मु॑च्यन्तं वि॒मुचो॒ हि सन्ति॑ भ्रूण॒घ्नि पू॑षन् दुरि॒तानि॑ मृक्ष्व ॥३॥
yebhiḥ॒ pāśaiḥ॒ pari॑vitto॒ viba॒ddho’ṅge॑aṅga॒ ārpi॑ta॒ utsi॑taśca | vi te mu॑cyantaṃ vi॒muco॒ hi santi॑ bhrūṇa॒ghni pū॑ṣan duri॒tāni॑ mṛkṣva || ३ ||