EeseDharmaSanātana Library
110काण्ड 6 · सूक्त 110
Atharvaveda Śaunaka Kand 6, Sukta 110.
3 shlokप्र॒त्नो हि कमीड्यो॑ अध्व॒रेषु॑ स॒नाच्च॒ होता॒ नव्य॑श्च सत्सि ।
स्वां चा॑ग्ने त॒न्वं पि॒प्राय॑स्वा॒स्मभ्यं॑ च॒ सौभ॑ग॒मा य॑जस्व ॥१॥
pra॒tno hi kamīḍyo॑ adhva॒reṣu॑ sa॒nācca॒ hotā॒ navya॑śca satsi | svāṃ cā॑gne ta॒nvaṃ pi॒prāya॑svā॒smabhyaṃ॑ ca॒ saubha॑ga॒mā ya॑jasva || १ ||
ज्ये॒ष्ठ॒घ्न्यं जा॒तो वि॒चृतो॑र्य॒मस्य॑ मूल॒बर्ह॑णा॒त् परि॑ पाह्येनम्।
अत्ये॑नं नेषद् दुरि॒तानि॒ विश्वा॑ दीर्घायु॒त्वाय॑ श॒तशा॑रदाय ॥२॥
jye॒ṣṭha॒ghnyaṃ jā॒to vi॒cṛto॑rya॒masya॑ mūla॒barha॑ṇā॒t pari॑ pāhyenam | atye॑naṃ neṣad duri॒tāni॒ viśvā॑ dīrghāyu॒tvāya॑ śa॒taśā॑radāya || २ ||
व्या॒घ्रेऽह्न्य॑जनिष्ट वी॒रो न॑क्षत्र॒जा जाय॑मानः सु॒वीरः॑ ।
स मा व॑धीत् पि॒तरं॒ वर्ध॑मानो॒ मा मा॒तरं॒ प्र मि॑नी॒ज्जनि॑त्रीम् ॥३॥
vyā॒ghre’hnya॑janiṣṭa vī॒ro na॑kṣatra॒jā jāya॑mānaḥ su॒vīraḥ॑ | sa mā va॑dhīt pi॒taraṃ॒ vardha॑māno॒ mā mā॒taraṃ॒ pra mi॑nī॒jjani॑trīm || ३ ||