EeseDharmaSanātana Library
104काण्ड 6 · सूक्त 104
Atharvaveda Śaunaka Kand 6, Sukta 104.
3 shlokआ॒दाने॑न सं॒दाने॑ना॒मित्रा॒ना द्या॑मसि ।
अ॒पा॒ना ये चै॑षां प्रा॒णा असु॒नासू॒न्त्सम॑च्छिदन् ॥१॥
ā॒dāne॑na saṃ॒dāne॑nā॒mitrā॒nā dyā॑masi | a॒pā॒nā ye cai॑ṣāṃ prā॒ṇā asu॒nāsū॒ntsama॑cchidan || १ ||
इ॒दमा॒दान॑मकरं॒ तप॒सेन्द्रे॑ण॒ संशि॑तम्।
अ॒मित्रा॒ येऽत्र॑ नः॒ सन्ति॒ तान॑ग्न॒ आ द्या॒ त्वम् ॥२॥
i॒damā॒dāna॑makaraṃ॒ tapa॒sendre॑ṇa॒ saṃśi॑tam | a॒mitrā॒ ye’tra॑ naḥ॒ santi॒ tāna॑gna॒ ā dyā॒ tvam || २ ||
ऐना॑न् द्यतामिन्द्रा॒ग्नी सोमो॑ राजा॑ च मे॒दिनौ॑ ।
इन्द्रो॑ म॒रुत्वा॑ना॒दान॑म॒मित्रे॑भ्यः कृणोतु नः ॥३॥
ainā॑n dyatāmindrā॒gnī somo॑ rājā॑ ca me॒dinau॑ | indro॑ ma॒rutvā॑nā॒dāna॑ma॒mitre॑bhyaḥ kṛṇotu naḥ || ३ ||