EeseDharmaSanātana Library
103काण्ड 6 · सूक्त 103
Atharvaveda Śaunaka Kand 6, Sukta 103.
3 shlokसं॒दानं॑ वो॒ बृह॒स्पतिः॑ सं॒दानं॑ सवि॒ता क॑रत्।
सं॒दानं॑ मि॒त्रो अ॑र्य॒मा सं॒दानं॒ भगो॑ अ॒श्विना॑ ॥१॥
saṃ॒dānaṃ॑ vo॒ bṛha॒spatiḥ॑ saṃ॒dānaṃ॑ savi॒tā ka॑rat | saṃ॒dānaṃ॑ mi॒tro a॑rya॒mā saṃ॒dānaṃ॒ bhago॑ a॒śvinā॑ || १ ||
सं प॑र॒मान्त्सम॑व॒मानथो॒ सं द्या॑मि मध्य॒मान्।
इन्द्र॒स्तान् पर्य॑हा॒र्दाम्ना॒ तान॑ग्ने॒ सं द्या॒ त्वम् ॥२॥
saṃ pa॑ra॒māntsama॑va॒mānatho॒ saṃ dyā॑mi madhya॒mān | indra॒stān parya॑hā॒rdāmnā॒ tāna॑gne॒ saṃ dyā॒ tvam || २ ||
अ॒मी ये युध॑मा॒यन्ति॑ के॒तून् कृ॒त्वानी॑क॒शः ।
इन्द्र॒स्तान् पर्य॑हा॒र्दाम्न॒ तान॑ग्ने॒ सं द्या॒ त्वम् ॥३॥
a॒mī ye yudha॑mā॒yanti॑ ke॒tūn kṛ॒tvānī॑ka॒śaḥ | indra॒stān parya॑hā॒rdāmna॒ tāna॑gne॒ saṃ dyā॒ tvam || ३ ||