EeseDharmaSanātana Library
100काण्ड 6 · सूक्त 100
Atharvaveda Śaunaka Kand 6, Sukta 100.
3 shlokदे॒वा अ॑दुः॒ सूर्यो॑ अदाद् द्यौर॑दात् पृथि॒व्यऽदात्।
ति॒स्रः सर॑स्वतिरदुः॒ सचि॑त्ता विष॒दूष॑णम् ॥१॥
de॒vā a॑duḥ॒ sūryo॑ adād dyaura॑dāt pṛthi॒vya’dāt | ti॒sraḥ sara॑svatiraduḥ॒ saci॑ttā viṣa॒dūṣa॑ṇam || १ ||
यद् वो॑ दे॒वा उ॑पजीका॒ आसि॑ञ्च॒न् धन्व॑न्युद॒कम्।
तेन॑ दे॒वप्र॑सूतेने॒दं दू॑षयता वि॒षम् ॥२॥
yad vo॑ de॒vā u॑pajīkā॒ āsi॑ñca॒n dhanva॑nyuda॒kam | tena॑ de॒vapra॑sūtene॒daṃ dū॑ṣayatā vi॒ṣam || २ ||
असु॑राणां दुहि॒तासि॒ सा दे॒वाना॑मसि॒ स्वसा॑ ।
दि॒वस्पृ॑थि॒व्याः संभू॑ता॒ सा च॑कर्थार॒सं वि॒षम् ॥३॥
asu॑rāṇāṃ duhi॒tāsi॒ sā de॒vānā॑masi॒ svasā॑ | di॒vaspṛ॑thi॒vyāḥ saṃbhū॑tā॒ sā ca॑karthāra॒saṃ vi॒ṣam || ३ ||