EeseDharmaSanātana Library
26काण्ड 5 · सूक्त 26
Atharvaveda Śaunaka Kand 5, Sukta 26.
12 shlokयजूं॑षि य॒ज्ञे स॒मिधः॒ स्वाहा॒ग्निः प्र॑वि॒द्वानि॒ह वो॑ युनक्तु ॥१॥
yajūṃ॑ṣi ya॒jñe sa॒midhaḥ॒ svāhā॒gniḥ pra॑vi॒dvāni॒ha vo॑ yunaktu || १ ||
यु॒नक्तु॑ दे॒वः स॑वि॒ता प्र॑जा॒नन्न॒स्मिन् य॒ज्ञे म॑हि॒षः स्वाहा॑ ॥२॥
yu॒naktu॑ de॒vaḥ sa॑vi॒tā pra॑jā॒nanna॒smin ya॒jñe ma॑hi॒ṣaḥ svāhā॑ || २ ||
इन्द्र॑ उक्थाम॒दान्य॒स्मिन् य॒ज्ञे प्र॑वि॒द्वान् यु॑नक्तु सु॒युजः॒ स्वाहा॑ ॥३॥
indra॑ ukthāma॒dānya॒smin ya॒jñe pra॑vi॒dvān yu॑naktu su॒yujaḥ॒ svāhā॑ || ३ ||
प्रै॒षा य॒ज्ञे नि॒विदः॒ स्वाहा॑ शि॒ष्टाः पत्नी॑भिर्वहते॒ह यु॒क्ताः ॥४॥
prai॒ṣā ya॒jñe ni॒vidaḥ॒ svāhā॑ śi॒ṣṭāḥ patnī॑bhirvahate॒ha yu॒ktāḥ || ४ ||
छन्दां॑सि य॒ज्ञे म॑रुतः॒ स्वाहा॑ मा॒तेव॑ पु॒त्रं पि॑पृते॒ह यु॒क्ताः ॥५॥
chandāṃ॑si ya॒jñe ma॑rutaḥ॒ svāhā॑ mā॒teva॑ pu॒traṃ pi॑pṛte॒ha yu॒ktāḥ || ५ ||
एयम॑गन् ब॒र्हिषा॒ प्रोक्ष॑णीभिर्य॒ज्ञं त॑न्वा॒नादि॑तिः॒ स्वाहा॑ ॥६॥
eyama॑gan ba॒rhiṣā॒ prokṣa॑ṇībhirya॒jñaṃ ta॑nvā॒nādi॑tiḥ॒ svāhā॑ || ६ ||
विष्णु॑र्युनक्तु बहु॒धा तपां॑स्य॒स्मिन् य॒ज्ञे सु॒युजः॒ स्वाहा॑ ॥७॥
viṣṇu॑ryunaktu bahu॒dhā tapāṃ॑sya॒smin ya॒jñe su॒yujaḥ॒ svāhā॑ || ७ ||
त्वष्टा॑ युनक्तु बहु॒धा नु रू॒पा अ॒स्मिन् य॒ज्ञे सु॒युजः॒ स्वाहा॑ ॥८॥
tvaṣṭā॑ yunaktu bahu॒dhā nu rū॒pā a॒smin ya॒jñe su॒yujaḥ॒ svāhā॑ || ८ ||
भगो॑ युनक्त्वा॒शिषो॒ न्व॑१स्मा अ॒स्मिन् य॒ज्ञे प्र॑वि॒द्वान् यु॑नक्तु सु॒युजः॒ स्वाहा॑ ॥९॥
bhago॑ yunaktvā॒śiṣo॒ nva॑१smā a॒smin ya॒jñe pra॑vi॒dvān yu॑naktu su॒yujaḥ॒ svāhā॑ || ९ ||
सोमो॑ युनक्तु बहु॒धा पयां॑स्य॒स्मिन् य॒ज्ञे सु॒युजः॒ स्वाहा॑ ॥१०॥
somo॑ yunaktu bahu॒dhā payāṃ॑sya॒smin ya॒jñe su॒yujaḥ॒ svāhā॑ || १० ||
इन्द्रो॑ युनक्तु बहु॒धा वी॒ऽर्याण्य॒स्मिन् य॒ज्ञे सु॒युजः॒ स्वाहा॑ ॥११॥
indro॑ yunaktu bahu॒dhā vī॒’ryāṇya॒smin ya॒jñe su॒yujaḥ॒ svāhā॑ || ११ ||
अश्वि॑ना॒ ब्रह्म॒णा या॑तम॒र्वाञ्चौ॑ वषट्का॒रेण॑ य॒ज्ञं व॒र्धय॑तौ ।
बृह॑स्पते॒ ब्रह्म॒णा या॑ह्य॒र्वाङ् य॒ज्ञो अ॒यं स्वऽरि॒दं यज॑मानाय॒ स्वाहा॑ ॥१२॥
aśvi॑nā॒ brahma॒ṇā yā॑tama॒rvāñcau॑ vaṣaṭkā॒reṇa॑ ya॒jñaṃ va॒rdhaya॑tau | bṛha॑spate॒ brahma॒ṇā yā॑hya॒rvāṅ ya॒jño a॒yaṃ sva’ri॒daṃ yaja॑mānāya॒ svāhā॑ || १२ ||