EeseDharmaSanātana Library
14काण्ड 5 · सूक्त 14
Atharvaveda Śaunaka Kand 5, Sukta 14.
13 shlok१० निचृद्बृहती, ११ त्रिपदा साम्नी त्रिष्टुप्, १३ स्वराट्।¬
सु॒प॒र्णस्त्वान्व॑विन्दत् सूक॒रस्त्वा॑खन्न॒सा।
दिप्सौ॑षधे॒ त्वं दिप्स॑न्त॒मव॑ कृत्या॒कृतं॑ जहि ॥१॥
१० nicṛdbṛhatī, ११ tripadā sāmnī triṣṭup, १३ svarāṭ | ¬ su॒pa॒rṇastvānva॑vindat sūka॒rastvā॑khanna॒sā | dipsau॑ṣadhe॒ tvaṃ dipsa॑nta॒mava॑ kṛtyā॒kṛtaṃ॑ jahi || १ ||
अव॑ जहि यातु॒धाना॒नव॑ कृत्या॒कृतं॑ जहि ।
अथो॒ योअ॒स्मान् दिप्स॑ति॒ तमु॒ त्वं ज॑ह्योषधे ॥२॥
ava॑ jahi yātu॒dhānā॒nava॑ kṛtyā॒kṛtaṃ॑ jahi | atho॒ yoa॒smān dipsa॑ti॒ tamu॒ tvaṃ ja॑hyoṣadhe || २ ||
रिश्य॑स्येव परीशा॒सं प॑रि॒कृत्य॒ परि॑ त्व॒चः ।
कृ॒त्यां कृ॑त्या॒कृते॑ देवा नि॒ष्कमि॑व॒ प्रति॑ मुञ्चत ॥३॥
riśya॑syeva parīśā॒saṃ pa॑ri॒kṛtya॒ pari॑ tva॒caḥ | kṛ॒tyāṃ kṛ॑tyā॒kṛte॑ devā ni॒ṣkami॑va॒ prati॑ muñcata || ३ ||
पुनः॑ कृ॒त्यां कृ॑त्या॒कृते॑ हस्त॒गृह्य॒ परा॑ णय ।
स॒म॒क्षम॑स्मा॒ आ धे॑हि॒ यथा॑ कृत्या॒कृतं॒ हन॑त् ॥४॥
punaḥ॑ kṛ॒tyāṃ kṛ॑tyā॒kṛte॑ hasta॒gṛhya॒ parā॑ ṇaya | sa॒ma॒kṣama॑smā॒ ā dhe॑hi॒ yathā॑ kṛtyā॒kṛtaṃ॒ hana॑t || ४ ||
कृ॒त्याः स॑न्तु कृत्या॒कृते॑ श॒पथः॑ शपथीय॒ते।
सु॒खो रथ॑ इव वर्ततां कृ॒त्या कृ॑त्या॒कृतं॒ पुनः॑ ॥५॥
kṛ॒tyāḥ sa॑ntu kṛtyā॒kṛte॑ śa॒pathaḥ॑ śapathīya॒te | su॒kho ratha॑ iva vartatāṃ kṛ॒tyā kṛ॑tyā॒kṛtaṃ॒ punaḥ॑ || ५ ||
यदि॒ स्त्री यदि॑ वा॒ पुमा॑न् कृ॒त्यां च॒कार॑ पा॒प्मने॑ ।
तामु॒ तस्मै॑ नयाम॒स्यश्व॑मिवाश्वाभि॒धान्या॑ ॥६॥
yadi॒ strī yadi॑ vā॒ pumā॑n kṛ॒tyāṃ ca॒kāra॑ pā॒pmane॑ | tāmu॒ tasmai॑ nayāma॒syaśva॑mivāśvābhi॒dhānyā॑ || ६ ||
यदि॒ वासि॑ दे॒वकृ॑ता॒ यदि॑ वा॒ पुरु॑षैः कृ॒ता।
तां त्वा॒ पुन॑र्णयाम॒सीन्द्रे॑ण स॒युजा॑ व॒यम् ॥७॥
yadi॒ vāsi॑ de॒vakṛ॑tā॒ yadi॑ vā॒ puru॑ṣaiḥ kṛ॒tā | tāṃ tvā॒ puna॑rṇayāma॒sīndre॑ṇa sa॒yujā॑ va॒yam || ७ ||
अग्ने॑ पृतनाषा॒ट् पृत॑नाः सहस्व ।
पुनः॑ कृ॒त्यां कृ॑त्या॒कृते॑ प्रति॒हर॑णेन हरामसि ॥८॥
agne॑ pṛtanāṣā॒ṭ pṛta॑nāḥ sahasva | punaḥ॑ kṛ॒tyāṃ kṛ॑tyā॒kṛte॑ prati॒hara॑ṇena harāmasi || ८ ||
कृत॑व्यधनि॒ विध्य॒ तं यश्च॒कार॒ तमिज्ज॑हि ।
न त्वामच॑क्रुषे व॒यं व॒धाय॒ सं शि॑शीमहि ॥९॥
kṛta॑vyadhani॒ vidhya॒ taṃ yaśca॒kāra॒ tamijja॑hi | na tvāmaca॑kruṣe va॒yaṃ va॒dhāya॒ saṃ śi॑śīmahi || ९ ||
पु॒त्र इ॑व पि॒तरं॑ गच्छ स्व॒ज इ॑वा॒भिष्ठि॑तो दश ।
ब॒न्धमि॑वावक्रा॒मी ग॑च्छ॒ कृत्ये॑ कृत्या॒कृतं॒ पुनः॑ ॥१०॥
pu॒tra i॑va pi॒taraṃ॑ gaccha sva॒ja i॑vā॒bhiṣṭhi॑to daśa | ba॒ndhami॑vāvakrā॒mī ga॑ccha॒ kṛtye॑ kṛtyā॒kṛtaṃ॒ punaḥ॑ || १० ||
उदे॒णीव॑ वार॒ण्यऽभि॒स्कन्दं॑ मृ॒गीव॑ ।
कृ॒त्या क॒र्तार॑मृच्छतु ॥११॥
ude॒ṇīva॑ vāra॒ṇya’bhi॒skandaṃ॑ mṛ॒gīva॑ | kṛ॒tyā ka॒rtāra॑mṛcchatu || ११ ||
इष्वा॒ ऋजी॑यः पततु॒ द्यावा॑पृथिवी॒ तं प्रति॑ ।
सा तं मृ॒गमि॑व गृह्णतु कृ॒त्या कृ॑त्या॒कृतं॒ पुनः॑ ॥१२॥
iṣvā॒ ṛjī॑yaḥ patatu॒ dyāvā॑pṛthivī॒ taṃ prati॑ | sā taṃ mṛ॒gami॑va gṛhṇatu kṛ॒tyā kṛ॑tyā॒kṛtaṃ॒ punaḥ॑ || १२ ||
अ॒ग्निरि॑वैतु प्रति॒कूल॑मनु॒कूल॑मिवोद॒कम्।
सु॒खो रथ॑ इव वर्ततां कृ॒त्या कृ॑त्या॒कृतं॒ पुनः॑ ॥१३॥
a॒gniri॑vaitu prati॒kūla॑manu॒kūla॑mivoda॒kam | su॒kho ratha॑ iva vartatāṃ kṛ॒tyā kṛ॑tyā॒kṛtaṃ॒ punaḥ॑ || १३ ||