EeseDharmaSanātana Library
10काण्ड 5 · सूक्त 10
Atharvaveda Śaunaka Kand 5, Sukta 10.
8 shlok८ पुरोधृतिद्व्यनुष्टुब्गर्भा पराष्टिस्त्र्यवसाना चतुष्पदातिजगती।
अ॒श्म॒व॒र्म मे॑ऽसि॒ यो मा॒ प्राच्या॑ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥१॥
८ purodhṛtidvyanuṣṭubgarbhā parāṣṭistryavasānā catuṣpadātijagatī | a॒śma॒va॒rma me॑’si॒ yo mā॒ prācyā॑ di॒śo’ghā॒yura॑bhi॒dāsā॑t | e॒tat sa ṛ॑cchāt || १ ||
अ॒श्म॒व॒र्म मे॑ऽसि॒ यो मा॒ दक्षि॑णाया दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥२॥
a॒śma॒va॒rma me॑’si॒ yo mā॒ dakṣi॑ṇāyā di॒śo’ghā॒yura॑bhi॒dāsā॑t | e॒tat sa ṛ॑cchāt || २ ||
अ॒श्म॒व॒र्म मे॑ऽसि॒ यो मा॑ प्र॒तीच्या॑ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥३॥
a॒śma॒va॒rma me॑’si॒ yo mā॑ pra॒tīcyā॑ di॒śo’ghā॒yura॑bhi॒dāsā॑t | e॒tat sa ṛ॑cchāt || ३ ||
अ॒श्म॒व॒र्म मे॑ऽसि॒ यो मोदी॑च्या दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥४॥
a॒śma॒va॒rma me॑’si॒ yo modī॑cyā di॒śo’ghā॒yura॑bhi॒dāsā॑t | e॒tat sa ṛ॑cchāt || ४ ||
अ॒श्म॒व॒र्म मे॑ऽसि॒ यो मा॑ ध्रु॒वाया॑ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥५॥
a॒śma॒va॒rma me॑’si॒ yo mā॑ dhru॒vāyā॑ di॒śo’ghā॒yura॑bhi॒dāsā॑t | e॒tat sa ṛ॑cchāt || ५ ||
अ॒श्म॒व॒र्म मे॑ऽसि॒ यो मो॒र्ध्वाया॒ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥६॥
a॒śma॒va॒rma me॑’si॒ yo mo॒rdhvāyā॒ di॒śo’ghā॒yura॑bhi॒dāsā॑t | e॒tat sa ṛ॑cchāt || ६ ||
अ॒श्म॒व॒र्म मे॑ऽसि॒ यो मा॑ दि॒शाम॑न्तर्दे॒शेभ्यो॑ऽघा॒युर॑भि॒दासा॑त्।
ए॒तत् स ऋ॑च्छात् ॥७॥
a॒śma॒va॒rma me॑’si॒ yo mā॑ di॒śāma॑ntarde॒śebhyo॑’ghā॒yura॑bhi॒dāsā॑t | e॒tat sa ṛ॑cchāt || ७ ||
बृ॒ह॒ता मन॒ उप॑ ह्वये मात॒रिश्व॑ना प्राणापा॒नौ।
सूर्या॒च्चक्षु॑र॒न्तरि॑क्षा॒च्छ्रोत्रं॑ पृथि॒व्याः शरी॑रम्।
सर॑स्वत्या॒ वाच॒मुप॑ ह्वयामहे मनो॒युजा॑ ॥८॥
bṛ॒ha॒tā mana॒ upa॑ hvaye māta॒riśva॑nā prāṇāpā॒nau | sūryā॒ccakṣu॑ra॒ntari॑kṣā॒cchrotraṃ॑ pṛthi॒vyāḥ śarī॑ram | sara॑svatyā॒ vāca॒mupa॑ hvayāmahe mano॒yujā॑ || ८ ||