Atharvaveda Śaunaka 4.8.1 ◌ EeseDharma mein verified
अनुष्टुप्; १, ७ भुरिक् त्रिष्टुप्, ३ त्रिष्टुप्, ५ विराट् प्रस्तारपङ्क्तिः।
भू॒तो भू॒तेषु॒ पय॒ आ द॑धाति॒ स भू॒ताना॒मधि॑पतिर्बभूव ।
तस्य॑ मृ॒त्युश्च॑रति राज॒सूयं॒ स राजा॑ रा॒ज्यमनु॑ मन्यतामि॒दम् ॥१॥
Roman reading anuṣṭup; १, ७ bhurik triṣṭup, ३ triṣṭup, ५ virāṭ prastārapaṅktiḥ | bhū॒to bhū॒teṣu॒ paya॒ ā da॑dhāti॒ sa bhū॒tānā॒madhi॑patirbabhūva | tasya॑ mṛ॒tyuśca॑rati rāja॒sūyaṃ॒ sa rājā॑ rā॒jyamanu॑ manyatāmi॒dam || १ ||
− Simple arth
Project-owned meaning abhi available nahi hai.
Atharvaveda Śaunaka 4.8.2 ◌ EeseDharma mein verified
अ॒भि प्रेहि॒ माप॑ वेन उ॒ग्रश्चे॒त्ता स॑पत्न॒हा।
आ ति॑ष्ठ मित्रवर्धन॒ तुभ्यं॑ दे॒वा अधि॑ ब्रुवन् ॥२॥
Roman reading a॒bhi prehi॒ māpa॑ vena u॒graśce॒ttā sa॑patna॒hā | ā ti॑ṣṭha mitravardhana॒ tubhyaṃ॑ de॒vā adhi॑ bruvan || २ ||
− Simple arth
Project-owned meaning abhi available nahi hai.
Atharvaveda Śaunaka 4.8.3 ◌ EeseDharma mein verified
आ॒तिष्ठ॑न्तं॒ परि॒ विश्वे॑ अभूषं॒छ्रियं॒ वसा॑नश्चरति॒ स्वरो॑चिः ।
म॒हत् तद् वृष्णो॒ असु॑रस्य॒ नामा वि॒श्वरू॑पो अ॒मृता॑नि तस्थौ ॥३॥
Roman reading ā॒tiṣṭha॑ntaṃ॒ pari॒ viśve॑ abhūṣaṃ॒chriyaṃ॒ vasā॑naścarati॒ svaro॑ciḥ | ma॒hat tad vṛṣṇo॒ asu॑rasya॒ nāmā vi॒śvarū॑po a॒mṛtā॑ni tasthau || ३ ||
− Simple arth
Project-owned meaning abhi available nahi hai.
Atharvaveda Śaunaka 4.8.4 ◌ EeseDharma mein verified
व्या॒घ्रो अधि॒ वैया॑घ्रे॒ वि क्र॑मस्व॒ दिशो॑ म॒हीः ।
विश॑स्त्वा॒ सर्वा॑ वाञ्छ॒न्त्वापो॑ दिव्याः पय॑स्वतीः ॥४॥
Roman reading vyā॒ghro adhi॒ vaiyā॑ghre॒ vi kra॑masva॒ diśo॑ ma॒hīḥ | viśa॑stvā॒ sarvā॑ vāñcha॒ntvāpo॑ divyāḥ paya॑svatīḥ || ४ ||
− Simple arth
Project-owned meaning abhi available nahi hai.
Atharvaveda Śaunaka 4.8.5 ◌ EeseDharma mein verified
या आपो॑ दि॒व्याः पय॑सा॒ मद॑न्त्य॒न्तरि॑क्ष उ॒त वा॑ पृथि॒व्याम्।
तासां॑ त्वा॒ सर्वा॑साम॒पाम॒भि॑ षि॑ञ्चामि॒ वर्च॑सा ॥५॥
Roman reading yā āpo॑ di॒vyāḥ paya॑sā॒ mada॑ntya॒ntari॑kṣa u॒ta vā॑ pṛthi॒vyām | tāsāṃ॑ tvā॒ sarvā॑sāma॒pāma॒bhi॑ ṣi॑ñcāmi॒ varca॑sā || ५ ||
− Simple arth
Project-owned meaning abhi available nahi hai.
Atharvaveda Śaunaka 4.8.6 ◌ EeseDharma mein verified
अ॒भि त्वा॒ वर्च॑सासिच॒न्नापो॑ दि॒व्याः पय॑स्वतीः ।
यथासो॑ मित्र॒वर्ध॑न॒स्तथा॑ त्वा सवि॒ता क॑रत् ॥६॥
Roman reading a॒bhi tvā॒ varca॑sāsica॒nnāpo॑ di॒vyāḥ paya॑svatīḥ | yathāso॑ mitra॒vardha॑na॒stathā॑ tvā savi॒tā ka॑rat || ६ ||
− Simple arth
Project-owned meaning abhi available nahi hai.
Atharvaveda Śaunaka 4.8.7 ◌ EeseDharma mein verified
ए॒ना व्या॒घ्रं प॑रिषस्वजा॒नाः सिं॒हं हि॑न्वन्ति मह॒ते सौभ॑गाय ।
स॒मु॒द्रं न सु॒भुव॑स्तस्थि॒वांसं॑ मर्मृ॒ज्यन्ते॑ द्वी॒पिन॑म॒प्स्व॑१न्तः ॥७॥
Roman reading e॒nā vyā॒ghraṃ pa॑riṣasvajā॒nāḥ siṃ॒haṃ hi॑nvanti maha॒te saubha॑gāya | sa॒mu॒draṃ na su॒bhuva॑stasthi॒vāṃsaṃ॑ marmṛ॒jyante॑ dvī॒pina॑ma॒psva॑१ntaḥ || ७ ||
− Simple arth
Project-owned meaning abhi available nahi hai.
