EeseDharmaSanātana Library
39काण्ड 4 · सूक्त 39
Atharvaveda Śaunaka Kand 4, Sukta 39.
10 shlokपृ॒थि॒व्याम॒ग्नये॒ सम॑नम॒न्त्स आ॑र्ध्नोत्।
यथा॑ पृथि॒व्याम॒ग्नये॑ स॒मन॑मन्ने॒वा मह्यं॑ सं॒नमः॒ सं न॑मन्तु ॥१॥
pṛ॒thi॒vyāma॒gnaye॒ sama॑nama॒ntsa ā॑rdhnot | yathā॑ pṛthi॒vyāma॒gnaye॑ sa॒mana॑manne॒vā mahyaṃ॑ saṃ॒namaḥ॒ saṃ na॑mantu || १ ||
पृ॒थि॒वी धे॒नुस्तस्या॑ अ॒ग्निर्व॒त्सः ।
सा मे॒ऽग्निना॑ व॒त्सेनेष॒मूर्जं॒ कामं॑ दुहाम्।
आयुः॑ प्रथ॒मं प्र॒जां पोषं॑ र॒यिं स्वाहा॑ ॥२॥
pṛ॒thi॒vī dhe॒nustasyā॑ a॒gnirva॒tsaḥ | sā me॒’gninā॑ va॒tseneṣa॒mūrjaṃ॒ kāmaṃ॑ duhām | āyuḥ॑ pratha॒maṃ pra॒jāṃ poṣaṃ॑ ra॒yiṃ svāhā॑ || २ ||
अ॒न्तरि॑क्षे वा॒यवे॒ सम॑नम॒न्त्स आ॑र्ध्नोत्।
यथा॒न्तरि॑क्षे वा॒यवे॑ स॒मन॑मन्ने॒वा मह्यं॑ सं॒नमः॒ सं न॑मन्तु ॥३॥
a॒ntari॑kṣe vā॒yave॒ sama॑nama॒ntsa ā॑rdhnot | yathā॒ntari॑kṣe vā॒yave॑ sa॒mana॑manne॒vā mahyaṃ॑ saṃ॒namaḥ॒ saṃ na॑mantu || ३ ||
अ॒न्तरि॑क्षं धे॒नुस्तस्या॑ वा॒युर्व॒त्सः ।
सा मे॑ वा॒युना॑ व॒त्सेनेष॒मूर्जं॒ कामं॑ दुहाम्।
आयुः॑ प्रथ॒मं प्र॒जां पोषं॑ र॒यिं स्वाहा॑ ॥४॥
a॒ntari॑kṣaṃ dhe॒nustasyā॑ vā॒yurva॒tsaḥ | sā me॑ vā॒yunā॑ va॒tseneṣa॒mūrjaṃ॒ kāmaṃ॑ duhām | āyuḥ॑ pratha॒maṃ pra॒jāṃ poṣaṃ॑ ra॒yiṃ svāhā॑ || ४ ||
दि॒व्याऽदि॒त्याय॒ सम॑नम॒न्त्स आ॑र्ध्नोत्।
यथा॑ दि॒व्याऽदि॒त्याय॑ स॒मन॑मन्ने॒वा मह्यं॑ सं॒नमः॒ सं न॑मन्तु ॥५॥
di॒vyā’di॒tyāya॒ sama॑nama॒ntsa ā॑rdhnot | yathā॑ di॒vyā’di॒tyāya॑ sa॒mana॑manne॒vā mahyaṃ॑ saṃ॒namaḥ॒ saṃ na॑mantu || ५ ||
द्यैर्धे॒नुस्तस्या॑ आदि॒त्यो व॒त्सः ।
सा म॑ आदि॒त्येन॑ व॒त्सेने॑ष॒मूर्जं॒ कामं॑ दुहाम्।
आयुः॑ प्रथ॒मं प्र॒जां पोषं॑ र॒यिं स्वाहा॑ ॥६॥
dyairdhe॒nustasyā॑ ādi॒tyo va॒tsaḥ | sā ma॑ ādi॒tyena॑ va॒tsene॑ṣa॒mūrjaṃ॒ kāmaṃ॑ duhām | āyuḥ॑ pratha॒maṃ pra॒jāṃ poṣaṃ॑ ra॒yiṃ svāhā॑ || ६ ||
दि॒क्षु च॒न्द्राय॒ सम॑नम॒न्त्स आ॑र्ध्नोत्।
यथा॑ दि॒क्षु च॒न्द्राय॑ स॒मन॑मन्ने॒वा मह्यं॑ सं॒नमः॒ सं न॑मन्तु ॥७॥
di॒kṣu ca॒ndrāya॒ sama॑nama॒ntsa ā॑rdhnot | yathā॑ di॒kṣu ca॒ndrāya॑ sa॒mana॑manne॒vā mahyaṃ॑ saṃ॒namaḥ॒ saṃ na॑mantu || ७ ||
दिशो॑ धे॒नव॒स्तासां॑ च॒न्द्रो व॒त्सः ।
ता मे॑ च॒न्द्रेण॑ व॒त्सेनेष॒मूर्जं॒ कामं॑ दुहाम् ।
आयुः॑ प्रथ॒मं प्र॒जां पोषं॑ र॒यिं स्वाहा॑ ॥८॥
diśo॑ dhe॒nava॒stāsāṃ॑ ca॒ndro va॒tsaḥ | tā me॑ ca॒ndreṇa॑ va॒tseneṣa॒mūrjaṃ॒ kāmaṃ॑ duhām | āyuḥ॑ pratha॒maṃ pra॒jāṃ poṣaṃ॑ ra॒yiṃ svāhā॑ || ८ ||
अ॒ग्नाव॒ग्निश्च॑रति॒ प्रवि॑ष्ट॒ ऋषी॑णां पु॒त्रो अ॑भिशस्ति॒पा उ॑ ।
न॒म॒स्का॒रेण॒ नम॑सा ते जुहोमि॒ मा दे॒वानां॑ मिथु॒या क॑र्म भा॒गम् ॥९॥
a॒gnāva॒gniśca॑rati॒ pravi॑ṣṭa॒ ṛṣī॑ṇāṃ pu॒tro a॑bhiśasti॒pā u॑ | na॒ma॒skā॒reṇa॒ nama॑sā te juhomi॒ mā de॒vānāṃ॑ mithu॒yā ka॑rma bhā॒gam || ९ ||
हृ॒दा पू॒तं मन॑सा जातवेदो॒ विश्वा॑नि देव व॒युना॑नि वि॒द्वान्।
स॒प्तास्या॑नि॒ तव॑ जातवेद॒स्तेभ्यो॑ जुहोमि॒ स जु॑षस्व ह॒व्यम् ॥१०॥
hṛ॒dā pū॒taṃ mana॑sā jātavedo॒ viśvā॑ni deva va॒yunā॑ni vi॒dvān | sa॒ptāsyā॑ni॒ tava॑ jātaveda॒stebhyo॑ juhomi॒ sa ju॑ṣasva ha॒vyam || १० ||