EeseDharmaSanātana Library
28काण्ड 4 · सूक्त 28
Atharvaveda Śaunaka Kand 4, Sukta 28.
7 shlokभवा॑शर्वौ म॒न्वे वां॒ तस्य॑ वित्तं॒ ययो॑र्वामि॒दं प्र॒दिशि॒ यद् वि॒रोच॑ते ।
याव॒स्ये॑शा॑थे द्वि॒पदो॒ यौ चतु॑ष्पद॒स्तौ नो॑ मुञ्चत॒मंह॑सः ॥१॥
bhavā॑śarvau ma॒nve vāṃ॒ tasya॑ vittaṃ॒ yayo॑rvāmi॒daṃ pra॒diśi॒ yad vi॒roca॑te | yāva॒sye॑śā॑the dvi॒pado॒ yau catu॑ṣpada॒stau no॑ muñcata॒maṃha॑saḥ || १ ||
ययो॑रभ्यभ्व॒ उ॒त यद् दू॒रे चि॒द् यौ वि॑दि॒तावि॑षु॒भृता॒मसि॑ष्ठौ ।
याव॒स्येशा॑थे द्वि॒पदो॒ यौ चतु॑ष्पद॒स्तौ नो॑ मुञ्चत॒मंह॑सः ॥२॥
yayo॑rabhyabhva॒ u॒ta yad dū॒re ci॒d yau vi॑di॒tāvi॑ṣu॒bhṛtā॒masi॑ṣṭhau | yāva॒syeśā॑the dvi॒pado॒ yau catu॑ṣpada॒stau no॑ muñcata॒maṃha॑saḥ || २ ||
स॒ह॒स्रा॒क्षौ वृ॑त्र॒हना॑ हुवे॒हं दू॒रेग॑व्यूती स्तु॒वन्ने॑म्यु॒ग्रौ।
याव॒स्येशा॑थे द्वि॒पदो॒ यौ चतु॑ष्पद॒स्तौ नो॑ मुञ्चत॒मंह॑सः ॥३॥
sa॒ha॒srā॒kṣau vṛ॑tra॒hanā॑ huve॒haṃ dū॒rega॑vyūtī stu॒vanne॑myu॒grau | yāva॒syeśā॑the dvi॒pado॒ yau catu॑ṣpada॒stau no॑ muñcata॒maṃha॑saḥ || ३ ||
यावा॑रे॒भाथे॑ ब॒हु सा॒कमग्रे॒ प्र चेद॑स्रा॑ष्ट्रमभि॒भां जने॑षु ।
याव॒स्येशा॑थे द्वि॒पदो॒ यौ चतु॑ष्पद॒स्तौ नो॑ मुञ्चत॒मंह॑सः ॥४॥
yāvā॑re॒bhāthe॑ ba॒hu sā॒kamagre॒ pra ceda॑srā॑ṣṭramabhi॒bhāṃ jane॑ṣu | yāva॒syeśā॑the dvi॒pado॒ yau catu॑ṣpada॒stau no॑ muñcata॒maṃha॑saḥ || ४ ||
ययो॑र्व॒धान्नाप॒पद्य॑ते॒ कश्च॒नान्तर्दे॒वेषू॒त मानु॑षेषु ।
याव॒स्येशा॑थे द्वि॒पदो॒ यौ चतु॑ष्पद॒स्तौ नो॑ मुञ्चत॒मंह॑सः ॥५॥
yayo॑rva॒dhānnāpa॒padya॑te॒ kaśca॒nāntarde॒veṣū॒ta mānu॑ṣeṣu | yāva॒syeśā॑the dvi॒pado॒ yau catu॑ṣpada॒stau no॑ muñcata॒maṃha॑saḥ || ५ ||
यः कृ॑त्या॒कृन्मू॑ल॒कृद् या॑तु॒धानो॒ नि तस्मि॑न् धत्तं॒ वज्र॑मु॒ग्रौ।
याव॒स्येशा॑थे द्वि॒पदो॒ यौ चतु॑ष्पद॒स्तौ नो॑ मुञ्चत॒मंह॑सः ॥६॥
yaḥ kṛ॑tyā॒kṛnmū॑la॒kṛd yā॑tu॒dhāno॒ ni tasmi॑n dhattaṃ॒ vajra॑mu॒grau | yāva॒syeśā॑the dvi॒pado॒ yau catu॑ṣpada॒stau no॑ muñcata॒maṃha॑saḥ || ६ ||
अधि॑ नो ब्रूतं॒ पृत॑नासूग्रौ॒ सं वज्रे॑ण सृजतं॒ यः कि॑मी॒दी।
स्तौमि॑ भवाश॒र्वौ ना॑थि॒तो॑ जो॑हवीमि॒ तौ नो॑ मुञ्चत॒मंह॑सः ॥७॥
adhi॑ no brūtaṃ॒ pṛta॑nāsūgrau॒ saṃ vajre॑ṇa sṛjataṃ॒ yaḥ ki॑mī॒dī | staumi॑ bhavāśa॒rvau nā॑thi॒to॑ jo॑havīmi॒ tau no॑ muñcata॒maṃha॑saḥ || ७ ||