EeseDharmaSanātana Library
16काण्ड 4 · सूक्त 16
Atharvaveda Śaunaka Kand 4, Sukta 16.
9 shlok८ त्रिपान्महाबृहती, विराण्नाम त्रिपाद्गायत्री।
बृ॒हन्ने॑षामधिष्ठा॒ता अ॑न्ति॒कादि॑व पश्यति ।
य स्ता॑यन्मन्य॑ते॒ चर॒न्त्सर्वं॑ दे॒वा इ॒दं वि॑दुः ॥१॥
८ tripānmahābṛhatī, virāṇnāma tripādgāyatrī | bṛ॒hanne॑ṣāmadhiṣṭhā॒tā a॑nti॒kādi॑va paśyati | ya stā॑yanmanya॑te॒ cara॒ntsarvaṃ॑ de॒vā i॒daṃ vi॑duḥ || १ ||
यस्तिष्ठ॑ति॒ चर॑ति॒ यश्च॒ वञ्च॑ति॒ यो नि॒लायं॒ चर॑ति॒ यः प्र॒तङ्क॑म्।
द्वौ सं॑नि॒षद्य॒ यन्म॒न्त्रये॑ते॒ राजा॒ तद् वे॑द॒ वरु॑णस्तृ॒तीयः॑ ॥२॥
yastiṣṭha॑ti॒ cara॑ti॒ yaśca॒ vañca॑ti॒ yo ni॒lāyaṃ॒ cara॑ti॒ yaḥ pra॒taṅka॑m | dvau saṃ॑ni॒ṣadya॒ yanma॒ntraye॑te॒ rājā॒ tad ve॑da॒ varu॑ṇastṛ॒tīyaḥ॑ || २ ||
उ॒तेयं भूमि॒र्वरु॑णस्य॒ राज्ञ॑ उ॒तासौ द्यौर्बृ॑ह॒ती दू॒रेअ॑न्ता ।
उ॒तो स॑मु॒द्रौ वरु॑णस्य कु॒क्षी उ॒तास्मिन्नल्प॑ उद॒के निली॑नः ॥३॥
u॒teyaṃ bhūmi॒rvaru॑ṇasya॒ rājña॑ u॒tāsau dyaurbṛ॑ha॒tī dū॒rea॑ntā | u॒to sa॑mu॒drau varu॑ṇasya ku॒kṣī u॒tāsminnalpa॑ uda॒ke nilī॑naḥ || ३ ||
उत यो द्याम॑ति॒सर्पा॑त् प॒रस्ता॒न्न स मु॑च्यातै॒ वरु॑णस्य॒ राज्ञः॑ ।
दि॒व स्पशः॒ प्र च॑रन्ती॒दम॑स्य सहस्रा॒क्षा अति॑ पश्यन्ति॒ भूमि॑म् ॥४॥
uta yo dyāma॑ti॒sarpā॑t pa॒rastā॒nna sa mu॑cyātai॒ varu॑ṇasya॒ rājñaḥ॑ | di॒va spaśaḥ॒ pra ca॑rantī॒dama॑sya sahasrā॒kṣā ati॑ paśyanti॒ bhūmi॑m || ४ ||
सर्वं॒ तद् राजा॒ वरु॑णो॒ वि च॑ष्टे॒ यद॑न्त॒रा रोद॑सी॒ यत् प॒रस्ता॑त्।
संख्या॑ता अस्य नि॒मिषो॒ जना॑नाम॒क्षानि॑व श्व॒घ्नी नि मि॑नोति॒ तानि॑ ॥५॥
sarvaṃ॒ tad rājā॒ varu॑ṇo॒ vi ca॑ṣṭe॒ yada॑nta॒rā roda॑sī॒ yat pa॒rastā॑t | saṃkhyā॑tā asya ni॒miṣo॒ janā॑nāma॒kṣāni॑va śva॒ghnī ni mi॑noti॒ tāni॑ || ५ ||
ये ते॒ पाशा॑ वरुण स॒प्तस॑प्त त्रे॒धा तिष्ठ॑न्ति॒ विषि॑ता॒ रुश॑न्तः ।
छि॒नन्तु॒ सर्वे॒ अनृ॑तं॒ वद॑न्तं॒ यः स॑त्यवा॒द्यति॒ तं सृ॑जन्तु ॥६॥
ye te॒ pāśā॑ varuṇa sa॒ptasa॑pta tre॒dhā tiṣṭha॑nti॒ viṣi॑tā॒ ruśa॑ntaḥ | chi॒nantu॒ sarve॒ anṛ॑taṃ॒ vada॑ntaṃ॒ yaḥ sa॑tyavā॒dyati॒ taṃ sṛ॑jantu || ६ ||
श॒तेन॒ पाशै॑र॒भि धे॑हि वरुणैनं॒ मा ते॑ मोच्यनृत॒वाङ् नृ॑चक्षः ।
आस्तां जा॒ल्म उ॒दरं॑ श्रंसयि॒त्वा कोश॑ इवाब॒न्धः प॑रिकृ॒त्यमा॑नः ॥७॥
śa॒tena॒ pāśai॑ra॒bhi dhe॑hi varuṇainaṃ॒ mā te॑ mocyanṛta॒vāṅ nṛ॑cakṣaḥ | āstāṃ jā॒lma u॒daraṃ॑ śraṃsayi॒tvā kośa॑ ivāba॒ndhaḥ pa॑rikṛ॒tyamā॑naḥ || ७ ||
यः स॑मा॒म्यो॒३वरु॑णो॒ यो व्या॒म्यो॒३यः सं॑दे॒श्यो॒३वरु॑णो॒ यो वि॑दे॒श्यः ।
यो दै॒वो वरु॑णो॒ यश्च॒ मानु॑षः ॥८॥
yaḥ sa॑mā॒myo॒३varu॑ṇo॒ yo vyā॒myo॒३yaḥ saṃ॑de॒śyo॒३varu॑ṇo॒ yo vi॑de॒śyaḥ | yo dai॒vo varu॑ṇo॒ yaśca॒ mānu॑ṣaḥ || ८ ||
तैस्त्वा॒ सर्वै॑र॒भि ष्या॑मि॒ पाशै॑रसावामुष्यायणामुष्याः पुत्र ।
तानु॑ ते॒ सर्वा॑ननु॒संदि॑शामि ॥९॥
taistvā॒ sarvai॑ra॒bhi ṣyā॑mi॒ pāśai॑rasāvāmuṣyāyaṇāmuṣyāḥ putra | tānu॑ te॒ sarvā॑nanu॒saṃdi॑śāmi || ९ ||