EeseDharmaSanātana Library
1काण्ड 4 · सूक्त 1
Atharvaveda Śaunaka Kand 4, Sukta 1.
7 shlokब्रह्म॑ जज्ञा॒नं प्र॑थ॒मं पु॒रस्ता॒द् वि सी॑म॒तः सु॒रुचो॑ वे॒न आवः ।
स बु॒ध्न्याऽउप॒माअ॑स्य वि॒ष्ठाः स॒तश्च॒ योनि॒मस॑तश्च॒ वि व॑ ॥१॥
brahma॑ jajñā॒naṃ pra॑tha॒maṃ pu॒rastā॒d vi sī॑ma॒taḥ su॒ruco॑ ve॒na āvaḥ | sa bu॒dhnyā’upa॒māa॑sya vi॒ṣṭhāḥ sa॒taśca॒ yoni॒masa॑taśca॒ vi va॑ || १ ||
इ॒यं पित्र्या॒ राष्ट्र्ये॒त्वग्रे॑ प्रथ॒माय॑ ज॒नुषे॑ भुवने॒ष्ठाः ।
तस्मा॑ ए॒तं सु॒रुचं॑ ह्वा॒रम॑ह्यं घ॒र्मं श्री॑णन्तु प्रथ॒माय॑ धा॒स्यवे॑ ॥२॥
i॒yaṃ pitryā॒ rāṣṭrye॒tvagre॑ pratha॒māya॑ ja॒nuṣe॑ bhuvane॒ṣṭhāḥ | tasmā॑ e॒taṃ su॒rucaṃ॑ hvā॒rama॑hyaṃ gha॒rmaṃ śrī॑ṇantu pratha॒māya॑ dhā॒syave॑ || २ ||
प्र यो ज॒ज्ञे वि॒द्वान॑स्य॒ बन्धु॒र्विश्वा॑ दे॒वानां॒ जनि॑मा विवक्ति ।
ब्रह्म॒ ब्रह्म॑ण॒ उज्ज॑भार॒ मध्या॑न्नी॒चैरु॒च्चै स्व॒धा अ॒भि प्र त॑स्थौ ॥३॥
pra yo ja॒jñe vi॒dvāna॑sya॒ bandhu॒rviśvā॑ de॒vānāṃ॒ jani॑mā vivakti | brahma॒ brahma॑ṇa॒ ujja॑bhāra॒ madhyā॑nnī॒cairu॒ccai sva॒dhā a॒bhi pra ta॑sthau || ३ ||
स हि दि॒वः स पृ॑थि॒व्या ऋ॑त॒स्था म॒ही क्षेमं॒ रोद॑सी अस्कभायत्।
म॒हान् म॒ही अस्क॑भाय॒द् वि जा॒तो द्यां सद्म॒ पार्थि॑वं च॒ रज॑ ॥४॥
sa hi di॒vaḥ sa pṛ॑thi॒vyā ṛ॑ta॒sthā ma॒hī kṣemaṃ॒ roda॑sī askabhāyat | ma॒hān ma॒hī aska॑bhāya॒d vi jā॒to dyāṃ sadma॒ pārthi॑vaṃ ca॒ raja॑ || ४ ||
स बु॒ध्न्यादा॑ष्ट्र ज॒नुषो॒ऽभ्यग्रं बृह॒स्पति॑र्दे॒वता॒ तस्य॑ स॒म्राट्।
अह॒र्यच्छुक्रं ज्योति॑षो॒ जनि॒ष्टाथ॑ द्यु॒मन्तो॒ वि व॑सन्तु॒ विप्रा॑ ॥५॥
sa bu॒dhnyādā॑ṣṭra ja॒nuṣo॒’bhyagraṃ bṛha॒spati॑rde॒vatā॒ tasya॑ sa॒mrāṭ | aha॒ryacchukraṃ jyoti॑ṣo॒ jani॒ṣṭātha॑ dyu॒manto॒ vi va॑santu॒ viprā॑ || ५ ||
नू॒नं तद॑स्य का॒व्यो॑ हि॑नोति म॒हो दे॒वस्य॑ पू॒र्व्यस्य॒ धाम॑ ।
ए॒ष ज॑ज्ञे ब॒हुभि॑ सा॒कमि॒त्था पूर्वे॒ अर्धे॒ विषि॑ते स॒सन्नु ॥६॥
nū॒naṃ tada॑sya kā॒vyo॑ hi॑noti ma॒ho de॒vasya॑ pū॒rvyasya॒ dhāma॑ | e॒ṣa ja॑jñe ba॒hubhi॑ sā॒kami॒tthā pūrve॒ ardhe॒ viṣi॑te sa॒sannu || ६ ||
योऽथ॑र्वाणं पि॒तरं॑ दे॒वब॑न्धुं॒ बृह॒स्पतिं॒ नम॒साव॑ च॒ गछा॑त्।
त्वं विश्वे॑षां जनि॒ता यथास॑ क॒विर्दे॒वो न दभा॑यत् स्व॒धावा॑न् ॥७॥
yo’tha॑rvāṇaṃ pi॒taraṃ॑ de॒vaba॑ndhuṃ॒ bṛha॒spatiṃ॒ nama॒sāva॑ ca॒ gachā॑t | tvaṃ viśve॑ṣāṃ jani॒tā yathāsa॑ ka॒virde॒vo na dabhā॑yat sva॒dhāvā॑n || ७ ||