Atharvaveda Śaunaka 3.8.1◌ EeseDharma mein verified
३ सोमः, सविता, आदित्यः, अग्निः, ४ विश्वे देवाः, ५-६ सांमनस्यम्।
त्रिष्टुप्, २-३ जगती, ४ चतुष्पदा विराड् बृहतीगर्भा, ५ अनुष्टुप्।
आ या॑तु मि॒त्र ऋ॒तुभिः॒ कल्प॑मानः संवे॒शय॑न् पृथि॒वीमु॒स्रिया॑भिः ।
अथा॒स्मभ्यं॒ वरु॑णो वा॒युर॒ग्निर्बृ॒हद् रा॒ष्ट्रं सं॑वे॒श्यंऽ दधातु ॥१॥
Roman reading३ somaḥ, savitā, ādityaḥ, agniḥ, ४ viśve devāḥ, ५-६ sāṃmanasyam | triṣṭup, २-३ jagatī, ४ catuṣpadā virāḍ bṛhatīgarbhā, ५ anuṣṭup | ā yā॑tu mi॒tra ṛ॒tubhiḥ॒ kalpa॑mānaḥ saṃve॒śaya॑n pṛthi॒vīmu॒sriyā॑bhiḥ | athā॒smabhyaṃ॒ varu॑ṇo vā॒yura॒gnirbṛ॒had rā॒ṣṭraṃ saṃ॑ve॒śyaṃ’ dadhātu || १ ||
Project-owned meaning abhi available nahi hai.
Atharvaveda Śaunaka 3.8.2◌ EeseDharma mein verified
धा॒ता रा॒तिः स॑वि॒तेदं जु॑षन्ता॒मिन्द्र॒स्त्वष्टा॒ प्रति॑ हर्यन्तु मे॒ वचः॑ ।
हु॒वे दे॒वीमदि॑तिं॒ शूर॑पुत्रां सजा॒तानां॑ मध्यमे॒ष्ठा यथासा॑नि ॥२॥
Roman readingdhā॒tā rā॒tiḥ sa॑vi॒tedaṃ ju॑ṣantā॒mindra॒stvaṣṭā॒ prati॑ haryantu me॒ vacaḥ॑ | hu॒ve de॒vīmadi॑tiṃ॒ śūra॑putrāṃ sajā॒tānāṃ॑ madhyame॒ṣṭhā yathāsā॑ni || २ ||
Project-owned meaning abhi available nahi hai.
Atharvaveda Śaunaka 3.8.3◌ EeseDharma mein verified
हु॒वे सोमं॑ सवि॒तारं॒ नमो॑भि॒र्विश्वा॑नादि॒त्याँ अ॒हमु॑त्तर॒त्वे।
अ॒यम॒ग्निर्दी॑दायद् दी॒र्घमे॒व स॑जा॒तैरि॒द्धोऽप्र॑तिब्रुवद्भिः ॥३॥
Roman readinghu॒ve somaṃ॑ savi॒tāraṃ॒ namo॑bhi॒rviśvā॑nādi॒tyām̐ a॒hamu॑ttara॒tve | a॒yama॒gnirdī॑dāyad dī॒rghame॒va sa॑jā॒tairi॒ddho’pra॑tibruvadbhiḥ || ३ ||
Project-owned meaning abhi available nahi hai.
Atharvaveda Śaunaka 3.8.4◌ EeseDharma mein verified
इ॒हेद॑साथ॒ न प॒रो ग॑मा॒थेर्यो॑ गो॒पाः पु॑ष्ट॒पति॑र्व॒ आज॑त्।
अ॒स्मै कामा॒योप॑ का॒मिनी॒र्विश्वे॑ वो दे॒वा उ॑प॒संय॑न्तु ॥४॥
Roman readingi॒heda॑sātha॒ na pa॒ro ga॑mā॒theryo॑ go॒pāḥ pu॑ṣṭa॒pati॑rva॒ āja॑t | a॒smai kāmā॒yopa॑ kā॒minī॒rviśve॑ vo de॒vā u॑pa॒saṃya॑ntu || ४ ||
Project-owned meaning abhi available nahi hai.
Atharvaveda Śaunaka 3.8.5◌ EeseDharma mein verified
सं वो॒ मनां॑सि॒ सं व्र॒ता समाकू॑तीर्नमामसि ।
अ॒मी ये विव्र॑ता॒ स्थन॒ तान् वः॒ सं न॑मयामसि ॥५॥
Roman readingsaṃ vo॒ manāṃ॑si॒ saṃ vra॒tā samākū॑tīrnamāmasi | a॒mī ye vivra॑tā॒ sthana॒ tān vaḥ॒ saṃ na॑mayāmasi || ५ ||
Project-owned meaning abhi available nahi hai.
Atharvaveda Śaunaka 3.8.6◌ EeseDharma mein verified
अ॒हं गृ॑भ्णामि॒ मन॑सा॒ मनां॑सि॒ मम॑ चि॒त्तमनु॑ चि॒त्तेभि॒रेत॑ ।
मम॒ वशे॑षु॒ हृद॑यानि वः कृणोमि॒ मम॑ या॒तमनु॑वर्त्मान॒ एत॑ ॥६॥
Roman readinga॒haṃ gṛ॑bhṇāmi॒ mana॑sā॒ manāṃ॑si॒ mama॑ ci॒ttamanu॑ ci॒ttebhi॒reta॑ | mama॒ vaśe॑ṣu॒ hṛda॑yāni vaḥ kṛṇomi॒ mama॑ yā॒tamanu॑vartmāna॒ eta॑ || ६ ||
Project-owned meaning abhi available nahi hai.
