Atharvaveda Śaunaka 3.28.1◌ EeseDharma mein verified
४ यवमध्या विराट् ककुप्, ५ त्रिष्टुप्, ६ विराड्गर्भा प्रस्तारपङ्क्तिः।
एकै॑कयै॒षा सृष्ट्या॒ सं ब॑भूव॒ यत्र॒ गा असृ॑जन्त भूत॒कृतो॑ वि॒श्वरू॑पाः ।
यत्र॑ वि॒जाय॑ते य॒मिन्य॑प॒र्तुः सा प॒शून् क्षि॑णाति रिफ॒ती रुश॑ती ॥१॥
Roman reading४ yavamadhyā virāṭ kakup, ५ triṣṭup, ६ virāḍgarbhā prastārapaṅktiḥ | ekai॑kayai॒ṣā sṛṣṭyā॒ saṃ ba॑bhūva॒ yatra॒ gā asṛ॑janta bhūta॒kṛto॑ vi॒śvarū॑pāḥ | yatra॑ vi॒jāya॑te ya॒minya॑pa॒rtuḥ sā pa॒śūn kṣi॑ṇāti ripha॒tī ruśa॑tī || १ ||
Project-owned meaning abhi available nahi hai.
Atharvaveda Śaunaka 3.28.2◌ EeseDharma mein verified
ए॒षा प॒शून्त्सं क्षि॑णाति क्र॒व्याद् भू॒त्वा व्यद्व॑री ।
उ॒तैनां॑ ब्र॒ह्मणे॑ दद्या॒त् तथा॑ स्यो॒ना शि॒वा स्या॑त् ॥२॥
Roman readinge॒ṣā pa॒śūntsaṃ kṣi॑ṇāti kra॒vyād bhū॒tvā vyadva॑rī | u॒taināṃ॑ bra॒hmaṇe॑ dadyā॒t tathā॑ syo॒nā śi॒vā syā॑t || २ ||
Project-owned meaning abhi available nahi hai.
Atharvaveda Śaunaka 3.28.3◌ EeseDharma mein verified
शि॒वा भ॑व॒ पुरु॑षेभ्यो॒ गोभ्यो॒ अश्वे॑भ्यः शि॒वा।
शि॒वास्मै सर्व॑स्मै॒ क्षेत्रा॑य शि॒वा न॑ इ॒हैधि॑ ॥३॥
Roman readingśi॒vā bha॑va॒ puru॑ṣebhyo॒ gobhyo॒ aśve॑bhyaḥ śi॒vā | śi॒vāsmai sarva॑smai॒ kṣetrā॑ya śi॒vā na॑ i॒haidhi॑ || ३ ||
Project-owned meaning abhi available nahi hai.
Atharvaveda Śaunaka 3.28.4◌ EeseDharma mein verified
इ॒ह पुष्टि॑रि॒ह रस॑ इ॒ह स॒हस्र॑सातमा भव । प॒शून् य॑मिनि पोषय ॥४॥
Roman readingi॒ha puṣṭi॑ri॒ha rasa॑ i॒ha sa॒hasra॑sātamā bhava | pa॒śūn ya॑mini poṣaya || ४ ||
Project-owned meaning abhi available nahi hai.
Atharvaveda Śaunaka 3.28.5◌ EeseDharma mein verified
यत्रा॑ सु॒हार्दः॑ सु॒कृतो॒ मद॑न्ति वि॒हाय॒ रोगं॑ त॒न्व॑१ स्वायाः॑ ।
तं लो॒कं य॒मिन्य॑भि॒संब॑भूव॒ सा नो॒ मा हिं॑सी॒त् पुरु॑षान् प॒शूंश्च॑ ॥५॥
Roman readingyatrā॑ su॒hārdaḥ॑ su॒kṛto॒ mada॑nti vi॒hāya॒ rogaṃ॑ ta॒nva॑१ svāyāḥ॑ | taṃ lo॒kaṃ ya॒minya॑bhi॒saṃba॑bhūva॒ sā no॒ mā hiṃ॑sī॒t puru॑ṣān pa॒śūṃśca॑ || ५ ||
Project-owned meaning abhi available nahi hai.
Atharvaveda Śaunaka 3.28.6◌ EeseDharma mein verified
यत्रा॑ सु॒हार्दां॑ सु॒कृता॑मग्निहोत्र॒हुतां॒ यत्र॑ लो॒कः ।
तं लो॒कं य॒मिन्य॑भि॒संब॑भूव॒ सा नो॒ मा हिं॑सी॒त् पुरु॑षान् प॒शूंश्च॑ ॥६॥
Roman readingyatrā॑ su॒hārdāṃ॑ su॒kṛtā॑magnihotra॒hutāṃ॒ yatra॑ lo॒kaḥ | taṃ lo॒kaṃ ya॒minya॑bhi॒saṃba॑bhūva॒ sā no॒ mā hiṃ॑sī॒t puru॑ṣān pa॒śūṃśca॑ || ६ ||
Project-owned meaning abhi available nahi hai.
