Atharvaveda Śaunaka 3.20.1 ◌ EeseDharma mein verified
५ अग्निः, ६ इन्द्रवायू, ७ अर्यमा, बृहस्पतिः, इन्द्रः, वातः, विष्णुः, सरस्वती, सविता, वाजी, ८ विश्वा भुवनानि,
९ पञ्च प्रदिशः, १० वायुस्त्वष्टा। अनुष्टुप्, ६ पथ्यापङ्क्तिः, ८ विराड् जगती।
अ॒यं ते॒ योनि॑रृ॒त्वियो॒ यतो॑ जा॒तो अरो॑चथाः ।
तं जा॒नन्न॑ग्न॒ आ रो॒हाधा॑ नो बर्धय र॒यिम् ॥१॥
Roman reading ५ agniḥ, ६ indravāyū, ७ aryamā, bṛhaspatiḥ, indraḥ, vātaḥ, viṣṇuḥ, sarasvatī, savitā, vājī, ८ viśvā bhuvanāni,
९ pañca pradiśaḥ, १० vāyustvaṣṭā | anuṣṭup, ६ pathyāpaṅktiḥ, ८ virāḍ jagatī | a॒yaṃ te॒ yoni॑rṛ॒tviyo॒ yato॑ jā॒to aro॑cathāḥ | taṃ jā॒nanna॑gna॒ ā ro॒hādhā॑ no bardhaya ra॒yim || १ ||
− Simple arth
Project-owned meaning abhi available nahi hai.
Atharvaveda Śaunaka 3.20.2 ◌ EeseDharma mein verified
अग्ने॒ अच्छा॑ वदे॒ह नः॑ प्र॒त्यङ् नः॑ सु॒मना॑ भव ।
प्र णो॑ यच्छ विशां पते धन॒दा अ॑सि न॒स्त्वम् ॥२॥
Roman reading agne॒ acchā॑ vade॒ha naḥ॑ pra॒tyaṅ naḥ॑ su॒manā॑ bhava | pra ṇo॑ yaccha viśāṃ pate dhana॒dā a॑si na॒stvam || २ ||
− Simple arth
Project-owned meaning abhi available nahi hai.
Atharvaveda Śaunaka 3.20.3 ◌ EeseDharma mein verified
प्र णो॑ यच्छत्वर्य॒मा प्र भगः॒ प्र बृह॒स्पतिः॑ ।
प्र दे॒वीः प्रोत सू॒नृता॑ र॒यिं दे॒वी द॑धातु मे ॥३॥
Roman reading pra ṇo॑ yacchatvarya॒mā pra bhagaḥ॒ pra bṛha॒spatiḥ॑ | pra de॒vīḥ prota sū॒nṛtā॑ ra॒yiṃ de॒vī da॑dhātu me || ३ ||
− Simple arth
Project-owned meaning abhi available nahi hai.
Atharvaveda Śaunaka 3.20.4 ◌ EeseDharma mein verified
सोमं॒ राजा॑न॒मव॑से॒ऽग्निं गी॒र्भिर्ह॑वामहे ।
आ॒दि॒त्यं विष्णुं॒ सूर्यं॑ ब्र॒ह्माणं॑ च॒ बृह॒स्पति॑म् ॥४॥
Roman reading somaṃ॒ rājā॑na॒mava॑se॒’gniṃ gī॒rbhirha॑vāmahe | ā॒di॒tyaṃ viṣṇuṃ॒ sūryaṃ॑ bra॒hmāṇaṃ॑ ca॒ bṛha॒spati॑m || ४ ||
− Simple arth
Project-owned meaning abhi available nahi hai.
Atharvaveda Śaunaka 3.20.5 ◌ EeseDharma mein verified
त्वं नो॑ अग्ने अ॒ग्निभि॒र्ब्रह्म॑ य॒ज्ञं च॑ वर्धय ।
त्वं नो॑ देव॒ दात॑वे र॒यिं दाना॑य चोदय ॥५॥
Roman reading tvaṃ no॑ agne a॒gnibhi॒rbrahma॑ ya॒jñaṃ ca॑ vardhaya | tvaṃ no॑ deva॒ dāta॑ve ra॒yiṃ dānā॑ya codaya || ५ ||
− Simple arth
Project-owned meaning abhi available nahi hai.
Atharvaveda Śaunaka 3.20.6 ◌ EeseDharma mein verified
इ॒न्द्र॒वा॒यू उ॒भावि॒ह सु॒हवे॒ह ह॑वामहे ।
यथा॑ नः॒ सर्व॒ इज्जनः॒ संग॑त्यां सु॒मना॒ अस॒द् दान॑कामश्च नो॒ भुव॑त् ॥६॥
Roman reading i॒ndra॒vā॒yū u॒bhāvi॒ha su॒have॒ha ha॑vāmahe | yathā॑ naḥ॒ sarva॒ ijjanaḥ॒ saṃga॑tyāṃ su॒manā॒ asa॒d dāna॑kāmaśca no॒ bhuva॑t || ६ ||
− Simple arth
Project-owned meaning abhi available nahi hai.
Atharvaveda Śaunaka 3.20.7 ◌ EeseDharma mein verified
अ॒र्य॒मणं॒ बृह॒स्पति॒मिन्द्रं॒ दाना॑य चोदय ।
वातं॒ विष्णुं॒ सर॑स्वतीं सवि॒तारं॑ च वा॒जिन॑म् ॥७॥
Roman reading a॒rya॒maṇaṃ॒ bṛha॒spati॒mindraṃ॒ dānā॑ya codaya | vātaṃ॒ viṣṇuṃ॒ sara॑svatīṃ savi॒tāraṃ॑ ca vā॒jina॑m || ७ ||
− Simple arth
Project-owned meaning abhi available nahi hai.
Atharvaveda Śaunaka 3.20.8 ◌ EeseDharma mein verified
वाज॑स्य॒ नु प्र॑स॒वे सं ब॑भूविमे॒मा च॒ विश्वा॒ भुव॑नान्य॒न्तः ।
उ॒तादि॑त्सन्तं दापयतु प्रजा॒नन् र॒यिं च॑ नः॒ सर्व॑वीरं॒ नि य॑छ ॥८॥
Roman reading vāja॑sya॒ nu pra॑sa॒ve saṃ ba॑bhūvime॒mā ca॒ viśvā॒ bhuva॑nānya॒ntaḥ | u॒tādi॑tsantaṃ dāpayatu prajā॒nan ra॒yiṃ ca॑ naḥ॒ sarva॑vīraṃ॒ ni ya॑cha || ८ ||
− Simple arth
Project-owned meaning abhi available nahi hai.
Atharvaveda Śaunaka 3.20.9 ◌ EeseDharma mein verified
दु॒ह्रां मे॒ पञ्च॑ प्र॒दिशो॑ दु॒ह्रामु॒र्वीर्य॑थाब॒लम्।
प्रापे॑यं सर्वा॒ आकू॑ती॒र्मन॑सा॒ हृद॑येन च ॥९॥
Roman reading du॒hrāṃ me॒ pañca॑ pra॒diśo॑ du॒hrāmu॒rvīrya॑thāba॒lam | prāpe॑yaṃ sarvā॒ ākū॑tī॒rmana॑sā॒ hṛda॑yena ca || ९ ||
− Simple arth
Project-owned meaning abhi available nahi hai.
Atharvaveda Śaunaka 3.20.10 ◌ EeseDharma mein verified
गो॒सनिं॒ वाच॑मुदेयं॒ वर्च॑सा मा॒भ्युदि॑हि ।
आ रु॑न्धां स॒र्वतो॑ वा॒युस्त्वष्टा॒ पोषं॑ दधातु मे ॥१०॥
Roman reading go॒saniṃ॒ vāca॑mudeyaṃ॒ varca॑sā mā॒bhyudi॑hi | ā ru॑ndhāṃ sa॒rvato॑ vā॒yustvaṣṭā॒ poṣaṃ॑ dadhātu me || १० ||
− Simple arth
Project-owned meaning abhi available nahi hai.
