EeseDharmaSanātana Library
17काण्ड 3 · सूक्त 17
Atharvaveda Śaunaka Kand 3, Sukta 17.
9 shlok३ पथ्यापङ्क्तिः, ७ विराट् पुर उष्णिक्, ८ निचृत्।
सीरा॑ युञ्जन्ति क॒वयो॑ यु॒गा वि त॑न्वते॒ पृथ॑क्। धीरा॑ दे॒वेषु॑ सुम्न॒यौ ॥१॥
३ pathyāpaṅktiḥ, ७ virāṭ pura uṣṇik, ८ nicṛt | sīrā॑ yuñjanti ka॒vayo॑ yu॒gā vi ta॑nvate॒ pṛtha॑k | dhīrā॑ de॒veṣu॑ sumna॒yau || १ ||
यु॒नक्त॒ सीरा॒ वि यु॒गा त॑नोत कृ॒ते योनौ॑ वपते॒ह बीज॑म्।
वि॒राजः॒ श्नुष्टिः॒ सभ॑रा असन्नो॒ नेदी॑य॒ इत् सृ॒ण्यः प॒क्वमा य॑वन् ॥२॥
yu॒nakta॒ sīrā॒ vi yu॒gā ta॑nota kṛ॒te yonau॑ vapate॒ha bīja॑m | vi॒rājaḥ॒ śnuṣṭiḥ॒ sabha॑rā asanno॒ nedī॑ya॒ it sṛ॒ṇyaḥ pa॒kvamā ya॑van || २ ||
लाङ्ग॑लं पवी॒रव॑त् सु॒शीमं॑ सोम॒सत्स॑रु ।
उदिद् व॑पतु॒ गामविं॑ प्र॒स्थाव॑द् रथ॒वाह॑नं॒ पीब॑रीं च प्रफ॒र्व्यऽम् ॥३॥
lāṅga॑laṃ pavī॒rava॑t su॒śīmaṃ॑ soma॒satsa॑ru | udid va॑patu॒ gāmaviṃ॑ pra॒sthāva॑d ratha॒vāha॑naṃ॒ pība॑rīṃ ca prapha॒rvya’m || ३ ||
इन्द्रः॒ सीतां॒ नि गृ॑ह्णातु॒ तां पू॒षाभि र॑क्षतु ।
सा नः॒ पय॑स्वती दुहा॒मुत्त॑रामुत्तरां॒ समा॑म् ॥४॥
indraḥ॒ sītāṃ॒ ni gṛ॑hṇātu॒ tāṃ pū॒ṣābhi ra॑kṣatu | sā naḥ॒ paya॑svatī duhā॒mutta॑rāmuttarāṃ॒ samā॑m || ४ ||
शु॒नं सु॑फा॒ला वि तु॑दन्तु॒ भूमिं॑ शु॒नं की॒नाशा॒ अनु॑ यन्तु वा॒हान्।
शुना॑सीरा ह॒विषा॒ तोश॑माना सुपिप्प॒ला ओष॑धीः कर्तम॒स्मै ॥५॥
śu॒naṃ su॑phā॒lā vi tu॑dantu॒ bhūmiṃ॑ śu॒naṃ kī॒nāśā॒ anu॑ yantu vā॒hān | śunā॑sīrā ha॒viṣā॒ tośa॑mānā supippa॒lā oṣa॑dhīḥ kartama॒smai || ५ ||
शु॒नं वा॒हाः शु॒नं नरः॑ शु॒नं कृ॑षतु॒ लाङ्ग॑लम्।
शु॒नं व॑र॒त्रा ब॑ध्य॒न्तां शु॒नमष्ट्रा॒मुदि॑ङ्गय ॥६॥
śu॒naṃ vā॒hāḥ śu॒naṃ naraḥ॑ śu॒naṃ kṛ॑ṣatu॒ lāṅga॑lam | śu॒naṃ va॑ra॒trā ba॑dhya॒ntāṃ śu॒namaṣṭrā॒mudi॑ṅgaya || ६ ||
शुना॑सीरे॒ह स्म॑ मे जुषेथाम्।
यद् दि॒वि च॒क्रथुः॒ पय॒स्तेने॒मामुप॑ सिञ्चतम् ॥७॥
śunā॑sīre॒ha sma॑ me juṣethām | yad di॒vi ca॒krathuḥ॒ paya॒stene॒māmupa॑ siñcatam || ७ ||
सीते॒ वन्दा॑महे त्वा॒र्वाची॑ सुभगे भव ।
यथा॑ नः सु॒मना॒ असो॒ यथा॑ नः सुफ॒ला भुवः॑ ॥८॥
sīte॒ vandā॑mahe tvā॒rvācī॑ subhage bhava | yathā॑ naḥ su॒manā॒ aso॒ yathā॑ naḥ supha॒lā bhuvaḥ॑ || ८ ||
घृ॒तेन॒ सीता॒ मधु॑ना॒ सम॑क्ता॒ विश्वै॑र्दे॒वैरनु॑मता म॒रुद्भिः॑ ।
सा नः॑ सीते॒ पय॑सा॒भ्याव॑वृ॒त्स्वोर्ज॑स्वती घृ॒तव॒त् पिन्व॑माना ॥९॥
ghṛ॒tena॒ sītā॒ madhu॑nā॒ sama॑ktā॒ viśvai॑rde॒vairanu॑matā ma॒rudbhiḥ॑ | sā naḥ॑ sīte॒ paya॑sā॒bhyāva॑vṛ॒tsvorja॑svatī ghṛ॒tava॒t pinva॑mānā || ९ ||