Atharvaveda Śaunaka 3.16.1◌ EeseDharma mein verified
२-३ ५ भगः, आदित्यः, ४ इन्द्रः, ६ दधिक्रवा, अश्वाः, ७ उषाः। त्रिष्टुप्, १ आर्षी जगती, ४ भुरिक् पङ्क्तिः।
प्रा॒तर॒ग्निं प्रा॒तरिन्द्रं॑ हवामहे प्रा॒तर्मि॒त्रावरु॑णा प्रा॒तर॒श्विना॑ ।
प्रा॒तर्भगं॑ पू॒षणं॒ ब्रह्म॑ण॒स्पतिं॑ प्रा॒तः सोम॑मु॒त रु॒द्रं ह॑वामहे ॥१॥
Roman reading२-३ ५ bhagaḥ, ādityaḥ, ४ indraḥ, ६ dadhikravā, aśvāḥ, ७ uṣāḥ | triṣṭup, १ ārṣī jagatī, ४ bhurik paṅktiḥ | prā॒tara॒gniṃ prā॒tarindraṃ॑ havāmahe prā॒tarmi॒trāvaru॑ṇā prā॒tara॒śvinā॑ | prā॒tarbhagaṃ॑ pū॒ṣaṇaṃ॒ brahma॑ṇa॒spatiṃ॑ prā॒taḥ soma॑mu॒ta ru॒draṃ ha॑vāmahe || १ ||
Project-owned meaning abhi available nahi hai.
Atharvaveda Śaunaka 3.16.2◌ EeseDharma mein verified
प्रा॒त॒र्जितं॒ भग॑मु॒ग्रं ह॑वामहे व॒यं पु॒त्रमदि॑ते॒र्यो वि॑ध॒र्ता।
आ॒ध्रश्चि॒द् यं मन्य॑मानस्तु॒रश्चि॒द् राजा॑ चि॒द् यं भगं॑ भ॒क्षीत्याह॑ ॥२॥
Roman readingprā॒ta॒rjitaṃ॒ bhaga॑mu॒graṃ ha॑vāmahe va॒yaṃ pu॒tramadi॑te॒ryo vi॑dha॒rtā | ā॒dhraści॒d yaṃ manya॑mānastu॒raści॒d rājā॑ ci॒d yaṃ bhagaṃ॑ bha॒kṣītyāha॑ || २ ||
Project-owned meaning abhi available nahi hai.
Atharvaveda Śaunaka 3.16.3◌ EeseDharma mein verified
भग॒ प्रणे॑त॒र्भग॒ सत्य॑राधो॒ भगे॒मां धिय॒मुद॑वा॒ दद॑न्नः ।
भग॒ प्र णो॑ जनय॒ गोभि॒रश्वै॒र्भग॒ प्र नृभि॑र्नृ॒वन्तः॑ स्याम ॥३॥
Roman readingbhaga॒ praṇe॑ta॒rbhaga॒ satya॑rādho॒ bhage॒māṃ dhiya॒muda॑vā॒ dada॑nnaḥ | bhaga॒ pra ṇo॑ janaya॒ gobhi॒raśvai॒rbhaga॒ pra nṛbhi॑rnṛ॒vantaḥ॑ syāma || ३ ||
Project-owned meaning abhi available nahi hai.
Atharvaveda Śaunaka 3.16.4◌ EeseDharma mein verified
उ॒तेदानीं॒ भग॑वन्तः स्यामो॒त प्र॑पि॒त्व उ॒त मध्ये॒ अह्ना॑म्।
उ॒तोदि॑तौ मघव॒न्त्सूर्य॑स्य व॒यं दे॒वानां॑ सुम॒तौ स्या॑म ॥४॥
Roman readingu॒tedānīṃ॒ bhaga॑vantaḥ syāmo॒ta pra॑pi॒tva u॒ta madhye॒ ahnā॑m | u॒todi॑tau maghava॒ntsūrya॑sya va॒yaṃ de॒vānāṃ॑ suma॒tau syā॑ma || ४ ||
Project-owned meaning abhi available nahi hai.
Atharvaveda Śaunaka 3.16.5◌ EeseDharma mein verified
भग॑ ए॒व भग॑वाँ अस्तु दे॒वस्तेना॑ व॒यं भग॑वन्तः स्याम ।
तं त्वा॑ भग॒ सर्व॒ इज्जो॑हवीमि॒ स नो॑ भग पुरए॒ता भ॑वे॒ह ॥५॥
Roman readingbhaga॑ e॒va bhaga॑vām̐ astu de॒vastenā॑ va॒yaṃ bhaga॑vantaḥ syāma | taṃ tvā॑ bhaga॒ sarva॒ ijjo॑havīmi॒ sa no॑ bhaga purae॒tā bha॑ve॒ha || ५ ||
Project-owned meaning abhi available nahi hai.
Atharvaveda Śaunaka 3.16.6◌ EeseDharma mein verified
सम॑ध्व॒रायो॒षसो॑ नमन्त दधि॒क्रावे॑व॒ शुच॑ये प॒दाय॑ ।
अ॒र्वा॒ची॒नं व॑सु॒विदं॒ भगं॑ मे॒ रथ॑मि॒वाश्वा॑ वा॒जिन॒ आ व॑हन्तु ॥६॥
Roman readingsama॑dhva॒rāyo॒ṣaso॑ namanta dadhi॒krāve॑va॒ śuca॑ye pa॒dāya॑ | a॒rvā॒cī॒naṃ va॑su॒vidaṃ॒ bhagaṃ॑ me॒ ratha॑mi॒vāśvā॑ vā॒jina॒ ā va॑hantu || ६ ||
Project-owned meaning abhi available nahi hai.
Atharvaveda Śaunaka 3.16.7◌ EeseDharma mein verified
अश्वा॑वती॒र्गोम॑तीर्न उ॒षा॑सो॑ वी॒रव॑तीः॒ सद॑मुछन्तु भ॒द्राः ।
घृ॒तं दुहा॑ना वि॒श्वतः॒ प्रपी॑ता यू॒यं पा॑त स्व॒स्तिभिः॒ सदा॑ नः ॥७॥
Roman readingaśvā॑vatī॒rgoma॑tīrna u॒ṣā॑so॑ vī॒rava॑tīḥ॒ sada॑muchantu bha॒drāḥ | ghṛ॒taṃ duhā॑nā vi॒śvataḥ॒ prapī॑tā yū॒yaṃ pā॑ta sva॒stibhiḥ॒ sadā॑ naḥ || ७ ||
Project-owned meaning abhi available nahi hai.
