Atharvaveda Śaunaka 3.15.1 ◌ EeseDharma mein verified
४ त्र्यवसाना षट् पदा बृहतीगर्भा विराडत्यष्टिः, ५ विराड्जगती, ७ अनुष्टुप्, ८ निचृत्।
इन्द्र॑म॒हं व॒णिजं॑ चोदयामि॒ स न॒ ऐतु॑ पुरए॒ता नो॑ अस्तु ।
नु॒दन्नरा॑तिं परिप॒न्थिनं॑ मृ॒गं स ईशा॑नो धन॒दा अ॑स्तु॒ मह्य॑म् ॥१॥
Roman reading ४ tryavasānā ṣaṭ padā bṛhatīgarbhā virāḍatyaṣṭiḥ, ५ virāḍjagatī, ७ anuṣṭup, ८ nicṛt | indra॑ma॒haṃ va॒ṇijaṃ॑ codayāmi॒ sa na॒ aitu॑ purae॒tā no॑ astu | nu॒dannarā॑tiṃ paripa॒nthinaṃ॑ mṛ॒gaṃ sa īśā॑no dhana॒dā a॑stu॒ mahya॑m || १ ||
− Simple arth
Project-owned meaning abhi available nahi hai.
Atharvaveda Śaunaka 3.15.2 ◌ EeseDharma mein verified
ये पन्था॑नो ब॒हवो॑ देव॒याना॑ अन्त॒रा द्यावा॑पृथि॒वी सं॒चर॑न्ति ।
ते मा॑ जुषन्तां॒ पय॑सा घृ॒तेन॒ यथा॑ क्री॒त्वा धन॑मा॒हरा॑णि ॥२॥
Roman reading ye panthā॑no ba॒havo॑ deva॒yānā॑ anta॒rā dyāvā॑pṛthi॒vī saṃ॒cara॑nti | te mā॑ juṣantāṃ॒ paya॑sā ghṛ॒tena॒ yathā॑ krī॒tvā dhana॑mā॒harā॑ṇi || २ ||
− Simple arth
Project-owned meaning abhi available nahi hai.
Atharvaveda Śaunaka 3.15.3 ◌ EeseDharma mein verified
इ॒ध्मेना॑ग्न इ॒च्छमा॑नो घृ॒ते॑न जुहो॑मि ह॒व्यं त॑रसे॒ बला॑य ।
याव॒दीशे॒ ब्रह्म॑णा॒ वन्द॑मान इ॒मां धियं॑ शत॒सेया॑य दे॒वीम् ॥३॥
Roman reading i॒dhmenā॑gna i॒cchamā॑no ghṛ॒te॑na juho॑mi ha॒vyaṃ ta॑rase॒ balā॑ya | yāva॒dīśe॒ brahma॑ṇā॒ vanda॑māna i॒māṃ dhiyaṃ॑ śata॒seyā॑ya de॒vīm || ३ ||
− Simple arth
Project-owned meaning abhi available nahi hai.
Atharvaveda Śaunaka 3.15.4 ◌ EeseDharma mein verified
इ॒माम॑ग्ने श॒रणिं॑ मीमृषो नो॒ यमध्वा॑न॒मगा॑म दू॒रम्।
शु॒नं नो॑ अस्तु प्रप॒णो वि॑क्र॒यश्च॑ प्रतिप॒णः फ॒लिनं॑ मा कृणोतु ।
इ॒दं ह॒व्यं सं॑विदा॒नौ जु॑षेथां शु॒नं नो॑ अस्तु चरि॒तमुत्थि॑तं च ॥४॥
Roman reading i॒māma॑gne śa॒raṇiṃ॑ mīmṛṣo no॒ yamadhvā॑na॒magā॑ma dū॒ram | śu॒naṃ no॑ astu prapa॒ṇo vi॑kra॒yaśca॑ pratipa॒ṇaḥ pha॒linaṃ॑ mā kṛṇotu | i॒daṃ ha॒vyaṃ saṃ॑vidā॒nau ju॑ṣethāṃ śu॒naṃ no॑ astu cari॒tamutthi॑taṃ ca || ४ ||
− Simple arth
Project-owned meaning abhi available nahi hai.
Atharvaveda Śaunaka 3.15.5 ◌ EeseDharma mein verified
येन॒ धने॑न प्रप॒णं चरा॑मि॒ धने॑न देवा॒ धन॑मि॒च्छमा॑नः ।
तन्मे॒ भूयो॑ भवतु॒ मा कनी॒योऽग्ने॑ सात॒घ्नो दे॒वान् ह॒विषा॒ नि षे॑ध ॥५॥
Roman reading yena॒ dhane॑na prapa॒ṇaṃ carā॑mi॒ dhane॑na devā॒ dhana॑mi॒cchamā॑naḥ | tanme॒ bhūyo॑ bhavatu॒ mā kanī॒yo’gne॑ sāta॒ghno de॒vān ha॒viṣā॒ ni ṣe॑dha || ५ ||
− Simple arth
Project-owned meaning abhi available nahi hai.
Atharvaveda Śaunaka 3.15.6 ◌ EeseDharma mein verified
येन॒ धने॑न प्रप॒णं चरा॑मि॒ धने॑न दे॒वा धन॑मि॒च्छमा॑नः ।
तस्मि॑न् म॒ इन्द्रो॒ रुचि॒मा द॑धातु प्र॒जाप॑तिः सवि॒ता सोमो॑ अ॒ग्निः ॥६॥
Roman reading yena॒ dhane॑na prapa॒ṇaṃ carā॑mi॒ dhane॑na de॒vā dhana॑mi॒cchamā॑naḥ | tasmi॑n ma॒ indro॒ ruci॒mā da॑dhātu pra॒jāpa॑tiḥ savi॒tā somo॑ a॒gniḥ || ६ ||
− Simple arth
Project-owned meaning abhi available nahi hai.
Atharvaveda Śaunaka 3.15.7 ◌ EeseDharma mein verified
उप॑ त्वा॒ नम॑सा व॒यं होत॑र्वैश्वानर स्तु॒मः ।
स नः॑ प्र॒जास्वा॒त्मसु गोषु॑ प्रा॒णेषु॑ जागृहि ॥७॥
Roman reading upa॑ tvā॒ nama॑sā va॒yaṃ hota॑rvaiśvānara stu॒maḥ | sa naḥ॑ pra॒jāsvā॒tmasu goṣu॑ prā॒ṇeṣu॑ jāgṛhi || ७ ||
− Simple arth
Project-owned meaning abhi available nahi hai.
Atharvaveda Śaunaka 3.15.8 ◌ EeseDharma mein verified
वि॒श्वाहा॑ ते॒ सद॒मिद् भ॑रे॒माश्वा॑येव॒ तिष्ठ॑ते जातवेदः ।
रा॒यस्पोषे॑ण॒ समि॒षा मद॑न्तो॒ मा ते॑ अग्ने॒ प्रति॑वेशा रिषाम ॥८॥
Roman reading vi॒śvāhā॑ te॒ sada॒mid bha॑re॒māśvā॑yeva॒ tiṣṭha॑te jātavedaḥ | rā॒yaspoṣe॑ṇa॒ sami॒ṣā mada॑nto॒ mā te॑ agne॒ prati॑veśā riṣāma || ८ ||
− Simple arth
Project-owned meaning abhi available nahi hai.
