Atharvaveda Śaunaka 3.1.1◌ EeseDharma mein verified
२ विराड्गर्भा भुरिक्, ३-६ अनुष्टुप्, ५ विराट् पुरउष्णिक्।
अ॒ग्निर्नः॒ शत्रू॒न् प्रत्ये॑तु वि॒द्वान् प्र॑ति॒दह॑न्न॒भिश॑स्ति॒मरा॑तिम्।
स सेनां॑ मोहयतु॒ परे॑षां॒ निर्ह॑स्तांश्च कृणवज्जा॒तवे॑दाः ॥१॥
Roman reading२ virāḍgarbhā bhurik, ३-६ anuṣṭup, ५ virāṭ purauṣṇik | a॒gnirnaḥ॒ śatrū॒n pratye॑tu vi॒dvān pra॑ti॒daha॑nna॒bhiśa॑sti॒marā॑tim | sa senāṃ॑ mohayatu॒ pare॑ṣāṃ॒ nirha॑stāṃśca kṛṇavajjā॒tave॑dāḥ || १ ||
Project-owned meaning abhi available nahi hai.
Atharvaveda Śaunaka 3.1.2◌ EeseDharma mein verified
यू॒यमु॒ग्रा म॑रुत ई॒दृशे॑ स्था॒भि प्रेत॑ मृ॒णत॒ सह॑ध्वम्।
अमी॑मृण॒न् वस॑वो नाथि॒ता इ॒मे अ॒ग्निर्ह्येऽषां दू॒तः प्र॒त्येतु॑ वि॒द्वान् ॥२॥
Roman readingyū॒yamu॒grā ma॑ruta ī॒dṛśe॑ sthā॒bhi preta॑ mṛ॒ṇata॒ saha॑dhvam | amī॑mṛṇa॒n vasa॑vo nāthi॒tā i॒me a॒gnirhye’ṣāṃ dū॒taḥ pra॒tyetu॑ vi॒dvān || २ ||
Project-owned meaning abhi available nahi hai.
Atharvaveda Śaunaka 3.1.3◌ EeseDharma mein verified
अ॒मि॒त्र॒से॒नां॑ मघवन्न॒स्मान् छ॑त्रूय॒तीम॒भि।
यु॒वं तानि॑न्द्र वृत्रहन्न॒ग्निश्च॑ दहतं॒ प्रति॑ ॥३॥
Roman readinga॒mi॒tra॒se॒nāṃ॑ maghavanna॒smān cha॑trūya॒tīma॒bhi | yu॒vaṃ tāni॑ndra vṛtrahanna॒gniśca॑ dahataṃ॒ prati॑ || ३ ||
Project-owned meaning abhi available nahi hai.
Atharvaveda Śaunaka 3.1.4◌ EeseDharma mein verified
प्रसू॑त इन्द्र प्र॒वता॒ हरि॑भ्यां॒ प्र ते॒ वज्रः॑ प्रमृ॒णन्ने॑तु॒ शत्रू॑न्।
ज॒हि प्र॒तीचो॑ अ॒नूचः॒ परा॑चो॒ विष्व॑क् स॒त्यं कृ॑णुहि चि॒त्तमे॑षाम् ॥४॥
Roman readingprasū॑ta indra pra॒vatā॒ hari॑bhyāṃ॒ pra te॒ vajraḥ॑ pramṛ॒ṇanne॑tu॒ śatrū॑n | ja॒hi pra॒tīco॑ a॒nūcaḥ॒ parā॑co॒ viṣva॑k sa॒tyaṃ kṛ॑ṇuhi ci॒ttame॑ṣām || ४ ||
Project-owned meaning abhi available nahi hai.
Atharvaveda Śaunaka 3.1.5◌ EeseDharma mein verified
इन्द्र॒ सेनां॑ मोहया॒मित्रा॑णाम्।
अ॒ग्नेर्वात॑स्य॒ ध्राज्या॒ तान् विषू॑चो॒ वि ना॑शय ॥५॥
Roman readingindra॒ senāṃ॑ mohayā॒mitrā॑ṇām | a॒gnervāta॑sya॒ dhrājyā॒ tān viṣū॑co॒ vi nā॑śaya || ५ ||
Project-owned meaning abhi available nahi hai.
Atharvaveda Śaunaka 3.1.6◌ EeseDharma mein verified
इन्द्रः॒ सेनां॑ मोहयतु म॒रुतो॑ घ्न॒न्त्वोज॑सा ।
चक्षूं॑स्य॒ग्निरा द॑त्तां॒ पुन॑रेतु॒ परा॑जिता ॥६॥
Roman readingindraḥ॒ senāṃ॑ mohayatu ma॒ruto॑ ghna॒ntvoja॑sā | cakṣūṃ॑sya॒gnirā da॑ttāṃ॒ puna॑retu॒ parā॑jitā || ६ ||
Project-owned meaning abhi available nahi hai.
