Atharvaveda Śaunaka 20.95.1◌ EeseDharma mein verified
त्रिक॑द्रुकेषु महि॒षो यवा॑शिरं तुवि॒शुष्म॑स्तृ॒पत् सोम॑मपिब॒द् विष्णु॑ना सु॒तं यथाव॑शत्।
स ईं॑ ममाद॒ महि॒ कर्म॒ कर्त॑वे म॒हामु॒रुं सैनं॑ सश्चद् दे॒वो दे॒वं स॒त्यमिन्द्रं॑ स॒त्य इन्दुः॑ ॥१॥
Roman readingtrika॑drukeṣu mahi॒ṣo yavā॑śiraṃ tuvi॒śuṣma॑stṛ॒pat soma॑mapiba॒d viṣṇu॑nā su॒taṃ yathāva॑śat | sa īṃ॑ mamāda॒ mahi॒ karma॒ karta॑ve ma॒hāmu॒ruṃ sainaṃ॑ saścad de॒vo de॒vaṃ sa॒tyamindraṃ॑ sa॒tya induḥ॑ || १ ||
Project-owned meaning abhi available nahi hai.
Atharvaveda Śaunaka 20.95.2◌ EeseDharma mein verified
प्रो ष्व॑स्मै पुरोर॒थमिन्द्रा॑य शू॒षम॑र्चत ।
अ॒भीके॑ चिदु लोक॒कृत् सं॒गे स॒मत्सु॑ वृत्र॒हास्माकं॑ बोधि चोदि॒ता
नभ॑न्तामन्य॒केषां॑ ज्या॒का अधि॒ धन्व॑सु ॥२॥
Roman readingpro ṣva॑smai purora॒thamindrā॑ya śū॒ṣama॑rcata | a॒bhīke॑ cidu loka॒kṛt saṃ॒ge sa॒matsu॑ vṛtra॒hāsmākaṃ॑ bodhi codi॒tā
nabha॑ntāmanya॒keṣāṃ॑ jyā॒kā adhi॒ dhanva॑su || २ ||
Project-owned meaning abhi available nahi hai.
Atharvaveda Śaunaka 20.95.3◌ EeseDharma mein verified
त्वं सिन्धूं॒रवा॑सृजोऽध॒राचो॒ अह॒न्नहि॑म्।
अ॒श॒त्रुरि॑न्द्र जज्ञिषे॒ विश्वं॑ पुष्यसि॒ वार्यं॒ तं त्वा॒ परि॑ ष्वजामहे॒
नभ॑न्तामन्य॒केषां॑ ज्या॒का अधि॒ धन्व॑सु ॥३॥
Roman readingtvaṃ sindhūṃ॒ravā॑sṛjo’dha॒rāco॒ aha॒nnahi॑m | a॒śa॒truri॑ndra jajñiṣe॒ viśvaṃ॑ puṣyasi॒ vāryaṃ॒ taṃ tvā॒ pari॑ ṣvajāmahe॒
nabha॑ntāmanya॒keṣāṃ॑ jyā॒kā adhi॒ dhanva॑su || ३ ||
Project-owned meaning abhi available nahi hai.
Atharvaveda Śaunaka 20.95.4◌ EeseDharma mein verified
वि षु विश्वा॒ अरा॑तयो॒ऽर्यो न॑शन्त नो॒ धियः॑ ।
अस्ता॑सि॒ शत्र॑वे व॒धं यो न॑ इन्द्र॒ जिघां॑सति॒ या ते॑ रा॒तिर्द॒दिर्वसु॒
नभ॑न्तामन्य॒केषां॑ ज्या॒का अधि॒ धन्व॑सु ॥४॥
Roman readingvi ṣu viśvā॒ arā॑tayo॒’ryo na॑śanta no॒ dhiyaḥ॑ | astā॑si॒ śatra॑ve va॒dhaṃ yo na॑ indra॒ jighāṃ॑sati॒ yā te॑ rā॒tirda॒dirvasu॒
nabha॑ntāmanya॒keṣāṃ॑ jyā॒kā adhi॒ dhanva॑su || ४ ||
Project-owned meaning abhi available nahi hai.
