EeseDharmaSanātana Library
90काण्ड 20 · सूक्त 90
Atharvaveda Śaunaka Kand 20, Sukta 90.
3 shlokयो अ॑द्रि॒भित् प्र॑थम॒जा ऋ॒तावा॒ बृह॒स्पति॑राङ्गिर॒सो ह॒विष्मा॑न्।
द्वि॒बर्ह॑ज्मा प्राघर्म॒सत् पि॒ता न॒ आ रोद॑सी वृष॒भो रो॑रवीति ॥१॥
yo a॑dri॒bhit pra॑thama॒jā ṛ॒tāvā॒ bṛha॒spati॑rāṅgira॒so ha॒viṣmā॑n | dvi॒barha॑jmā prāgharma॒sat pi॒tā na॒ ā roda॑sī vṛṣa॒bho ro॑ravīti || १ ||
जना॑य चि॒द् य ईव॑ते उ लो॒कं बृह॒स्पति॑र्दे॒वहू॑तौ च॒कार॑ ।
घ्नन् वृ॒त्राणि॒ वि पुरो॑ दर्दरीति॒ जयं॒ छत्रूं॑र॒मित्रा॑न् पृ॒त्सु साह॑न् ॥२॥
janā॑ya ci॒d ya īva॑te u lo॒kaṃ bṛha॒spati॑rde॒vahū॑tau ca॒kāra॑ | ghnan vṛ॒trāṇi॒ vi puro॑ dardarīti॒ jayaṃ॒ chatrūṃ॑ra॒mitrā॑n pṛ॒tsu sāha॑n || २ ||
बृह॒स्पतिः॒ सम॑जय॒द् वसू॑नि म॒हो व्र॒जान् गोम॑तो दे॒व ए॒षः ।
अ॒पः सिषा॑स॒न्त्स्व॑१रप्र॑तीतो॒ बृह॒स्पति॒र्हन्त्य॒मित्र॑म॒र्कैः ॥३॥
bṛha॒spatiḥ॒ sama॑jaya॒d vasū॑ni ma॒ho vra॒jān goma॑to de॒va e॒ṣaḥ | a॒paḥ siṣā॑sa॒ntsva॑१rapra॑tīto॒ bṛha॒spati॒rhantya॒mitra॑ma॒rkaiḥ || ३ ||