EeseDharmaSanātana Library
73काण्ड 20 · सूक्त 73
Atharvaveda Śaunaka Kand 20, Sukta 73.
6 shlokतुभ्येदि॒मा सव॑ना शूर॒ विश्वा॒ तुभ्यं॒ ब्रह्मा॑णि॒ वर्ध॑ना कृणोमि । त्वं नृभि॒र्हव्यो॑ वि॒श्वधा॑सि ॥१॥
tubhyedi॒mā sava॑nā śūra॒ viśvā॒ tubhyaṃ॒ brahmā॑ṇi॒ vardha॑nā kṛṇomi | tvaṃ nṛbhi॒rhavyo॑ vi॒śvadhā॑si || १ ||
नू चि॒न्नु ते॒ मन्य॑मानस्य द॒स्मोद॑श्नुवन्ति महि॒मान॑मुग्र । न वीर्यऽमिन्द्र ते॒ न राधः॑ ॥२॥
nū ci॒nnu te॒ manya॑mānasya da॒smoda॑śnuvanti mahi॒māna॑mugra | na vīrya’mindra te॒ na rādhaḥ॑ || २ ||
प्र वो॑ म॒हे म॑हि॒वृधे॑ भरध्वं॒ प्रचे॑तसे॒ प्र सु॑म॒तिं कृ॑णुध्वम्।
विशः॑ पू॒र्वीः प्र च॑रा चर्षणि॒प्राः ॥३॥
pra vo॑ ma॒he ma॑hi॒vṛdhe॑ bharadhvaṃ॒ prace॑tase॒ pra su॑ma॒tiṃ kṛ॑ṇudhvam | viśaḥ॑ pū॒rvīḥ pra ca॑rā carṣaṇi॒prāḥ || ३ ||
य॒दा वज्रं॒ हिर॑ण्य॒मिदथा॒ रथं॒ हरी॒ यम॑स्य॒ वह॑तो॒ वि सू॒रिभिः॑ ।
आ ति॑ष्ठति म॒घवा॒ सन॑श्रुत॒ इन्द्रो॒ वाज॑स्य दी॒र्घश्र॑वस॒स्पतिः॑ ॥४॥
ya॒dā vajraṃ॒ hira॑ṇya॒midathā॒ rathaṃ॒ harī॒ yama॑sya॒ vaha॑to॒ vi sū॒ribhiḥ॑ | ā ti॑ṣṭhati ma॒ghavā॒ sana॑śruta॒ indro॒ vāja॑sya dī॒rghaśra॑vasa॒spatiḥ॑ || ४ ||
सो चि॒न्नु वृ॒ष्टिर्यू॒थ्या॒३ स्वा सचां॒ इन्द्रः॒ श्मश्रू॑णि॒ हरि॑ता॒भि प्रु॑ष्णुते ।
अव॑ वेति सु॒क्षयं॑ सु॒ते मधूदिद् धू॑णोति॒ वातो॒ यथा॒ वन॑म् ॥५॥
so ci॒nnu vṛ॒ṣṭiryū॒thyā॒३ svā sacāṃ॒ indraḥ॒ śmaśrū॑ṇi॒ hari॑tā॒bhi pru॑ṣṇute | ava॑ veti su॒kṣayaṃ॑ su॒te madhūdid dhū॑ṇoti॒ vāto॒ yathā॒ vana॑m || ५ ||
यो वा॒चा विवा॑चो मृ॒ध्रवा॑चः पु॒रू स॒हस्राशि॑वा ज॒घान॑ ।
तत्त॒दिद॑स्य॒ पौंस्यं॑ गृणीमसि पि॒तेव॒ यस्तवि॑षीं वावृ॒धे शवः॑ ॥६॥
yo vā॒cā vivā॑co mṛ॒dhravā॑caḥ pu॒rū sa॒hasrāśi॑vā ja॒ghāna॑ | tatta॒dida॑sya॒ pauṃsyaṃ॑ gṛṇīmasi pi॒teva॒ yastavi॑ṣīṃ vāvṛ॒dhe śavaḥ॑ || ६ ||