EeseDharmaSanātana Library
72काण्ड 20 · सूक्त 72
Atharvaveda Śaunaka Kand 20, Sukta 72.
3 shlokइन्द्रं॒ न य॒ज्ञैश्च॒तय॑न्त आ॒यव॒ स्तोमे॑भि॒रिन्द्र॑मा॒यवः॑ ॥१॥
indraṃ॒ na ya॒jñaiśca॒taya॑nta ā॒yava॒ stome॑bhi॒rindra॑mā॒yavaḥ॑ || १ ||
वि त्वा॑ ततस्रे मिथु॒ना अ॑व॒स्यवो॑ व्र॒जस्य॑ सा॒ता गव्य॑स्य निः॒सृजः॒ सक्ष॑न्त इन्द्र निः॒सृजः॑ ।
यद् ग॒व्यन्ता॒ द्वा जना॒ स्व॑१र्यन्ता॑ स॒मूह॑सि ।
आ॒विष्करि॑क्र॒द् वृष॑णं सचा॒भुवं॒ वज्र॑मिन्द्र सचा॒भुव॑म् ॥२॥
vi tvā॑ tatasre mithu॒nā a॑va॒syavo॑ vra॒jasya॑ sā॒tā gavya॑sya niḥ॒sṛjaḥ॒ sakṣa॑nta indra niḥ॒sṛjaḥ॑ | yad ga॒vyantā॒ dvā janā॒ sva॑१ryantā॑ sa॒mūha॑si | ā॒viṣkari॑kra॒d vṛṣa॑ṇaṃ sacā॒bhuvaṃ॒ vajra॑mindra sacā॒bhuva॑m || २ ||
उ॒तो नो॑ अ॒स्या उ॒षसो॑ जु॒षेत॒ ह्य॑१र्कस्य॑ बोधि ह॒विषो॒ हवी॑मभिः॒ स्व॑र्षाता॒ हवी॑मभिः ।
यदि॑न्द्र॒ हन्त॑वे॒ मृघो॒ वृषा॑ वज्रिं॒ चिके॑तसि ।
आ मे॑ अ॒स्य वे॒धसो॒ नवी॑यसो॒ मन्म॑ श्रुधि॒ नवी॑यसः ॥३॥
u॒to no॑ a॒syā u॒ṣaso॑ ju॒ṣeta॒ hya॑१rkasya॑ bodhi ha॒viṣo॒ havī॑mabhiḥ॒ sva॑rṣātā॒ havī॑mabhiḥ | yadi॑ndra॒ hanta॑ve॒ mṛgho॒ vṛṣā॑ vajriṃ॒ cike॑tasi | ā me॑ a॒sya ve॒dhaso॒ navī॑yaso॒ manma॑ śrudhi॒ navī॑yasaḥ || ३ ||