EeseDharmaSanātana Library
7काण्ड 20 · सूक्त 7
Atharvaveda Śaunaka Kand 20, Sukta 7.
4 shlok(१-४) १-३ सुकक्षः। ४ विश्वामित्रः। इन्द्रः। गायत्री।
उद् घेद॒भि श्रु॒ताम॑घं वृष॒भं नर्या॑पसम्। अस्ता॑रमेषि सूर्य ॥१॥
(१-४) १-३ sukakṣaḥ | ४ viśvāmitraḥ | indraḥ | gāyatrī | ud gheda॒bhi śru॒tāma॑ghaṃ vṛṣa॒bhaṃ naryā॑pasam | astā॑rameṣi sūrya || १ ||
नव॒ यो न॑व॒तिं पुरो॑ बि॒भेद॑ बा॒ह्वोजसा । अहिं॑ च वृत्र॒हाव॑धीत् ॥२॥
nava॒ yo na॑va॒tiṃ puro॑ bi॒bheda॑ bā॒hvojasā | ahiṃ॑ ca vṛtra॒hāva॑dhīt || २ ||
सन॒ इन्द्रः॑ शि॒वः सखाश्वा॑व॒द् गोम॒द् यव॑मत्। उ॒रुधा॑रेव दोहते ॥३॥
sana॒ indraḥ॑ śi॒vaḥ sakhāśvā॑va॒d goma॒d yava॑mat | u॒rudhā॑reva dohate || ३ ||
इन्द्र॑ क्रतु॒विदं॑ सु॒तं सोमं॑ हर्य पुरुष्टुत । पिबा वृ॑षस्व॒ तातृ॑पिम् ॥४॥
indra॑ kratu॒vidaṃ॑ su॒taṃ somaṃ॑ harya puruṣṭuta | pibā vṛ॑ṣasva॒ tātṛ॑pim || ४ ||