Atharvaveda Śaunaka 20.67.1◌ EeseDharma mein verified
सु॒न्वा॒नायेन्द्रो॑ ददात्या॒भुवं॑ र॒यिं द॑दात्या॒भुव॑म् ॥१॥
Roman reading
su॒nvā॒nāyendro॑ dadātyā॒bhuvaṃ॑ ra॒yiṃ da॑dātyā॒bhuva॑m || १ ||
Project-owned meaning abhi available nahi hai.
67Atharvaveda Saṁhitā — Śaunaka · Adhyay 67
Kand 20 · Sukta 67
काण्ड 20 · सूक्त 67
Atharvaveda Śaunaka Kand 20, Sukta 67.
7 shlokॐChapter readingSwipe or scroll page by page · audio stays with the text
Atharvaveda Śaunaka 20.67.2◌ EeseDharma mein verified
मो षु वो॑ अ॒स्मद॒भि तानि॒ पौंस्या॒ सना॑ भूवन् द्यु॒म्नानि॒ मोत जा॑रिषुर॒स्मत् पु॒रोत जा॑रिषुः ।
यद् व॑श्चि॒त्रं यु॒गेयु॑गे॒ नव्यं॒ घोषा॒दम॑र्त्यम्।
अ॒स्मासु॒ तन्म॑रुतो॒ यच्च॑ दु॒ष्टृरं॑ दिधृ॒ता यच्च॑ दु॒ष्टर॑म् ॥२॥
Roman reading
mo ṣu vo॑ a॒smada॒bhi tāni॒ pauṃsyā॒ sanā॑ bhūvan dyu॒mnāni॒ mota jā॑riṣura॒smat pu॒rota jā॑riṣuḥ | yad va॑ści॒traṃ yu॒geyu॑ge॒ navyaṃ॒ ghoṣā॒dama॑rtyam | a॒smāsu॒ tanma॑ruto॒ yacca॑ du॒ṣṭṛraṃ॑ didhṛ॒tā yacca॑ du॒ṣṭara॑m || २ ||
Project-owned meaning abhi available nahi hai.
Atharvaveda Śaunaka 20.67.3◌ EeseDharma mein verified
अ॒ग्निं होता॑रं मन्ये॒ दास्व॑न्तं॒ वसुं॑ सू॒नुं सह॑सो जा॒तवे॑दसं॒ विप्रं॒ न जा॒तवे॑दसम्।
य ऊ॒र्ध्वया॑ स्वध्व॒रो दे॒वो दे॒वाच्या॑ कृ॒पा।
घृ॒तस्य॒ विभ्रा॑ष्टि॒मनु॑ वष्टि शो॒चिषा॒जुह्वा॑नस्य स॒र्पिषः॑ ॥३॥
Roman reading
a॒gniṃ hotā॑raṃ manye॒ dāsva॑ntaṃ॒ vasuṃ॑ sū॒nuṃ saha॑so jā॒tave॑dasaṃ॒ vipraṃ॒ na jā॒tave॑dasam | ya ū॒rdhvayā॑ svadhva॒ro de॒vo de॒vācyā॑ kṛ॒pā | ghṛ॒tasya॒ vibhrā॑ṣṭi॒manu॑ vaṣṭi śo॒ciṣā॒juhvā॑nasya sa॒rpiṣaḥ॑ || ३ ||
Project-owned meaning abhi available nahi hai.
Atharvaveda Śaunaka 20.67.4◌ EeseDharma mein verified
य॒ज्ञैः समि॑श्लाः॒ पृष॑तीभिरृ॒ष्टिभि॒र्यामं॑ छु॒भ्रासो॑ अ॒ञ्जिषु॑ प्रि॒या उ॒त।
आ॒सद्या॑ ब॒र्हिर्भ॑रतस्य सूनवः पो॒त्रादा सोमं॑ पिबता दिवो नरः ॥४॥
Roman reading
ya॒jñaiḥ sami॑ślāḥ॒ pṛṣa॑tībhirṛ॒ṣṭibhi॒ryāmaṃ॑ chu॒bhrāso॑ a॒ñjiṣu॑ pri॒yā u॒ta | ā॒sadyā॑ ba॒rhirbha॑ratasya sūnavaḥ po॒trādā somaṃ॑ pibatā divo naraḥ || ४ ||
Project-owned meaning abhi available nahi hai.
Atharvaveda Śaunaka 20.67.5◌ EeseDharma mein verified
आ व॑क्षि दे॒वां इ॒ह वि॑प्र॒ यक्षि॑ चो॒शन् हो॑त॒र्नि ष॑दा॒ योनि॑षु त्रि॒षु।
प्रति॑ वीहि॒ प्रस्थि॑तं सो॒म्यं मधु॒ पिबाग्नी॑ध्रा॒त् तव॑ भा॒गस्य॑ तृष्णुहि ॥५॥
Roman reading
ā va॑kṣi de॒vāṃ i॒ha vi॑pra॒ yakṣi॑ co॒śan ho॑ta॒rni ṣa॑dā॒ yoni॑ṣu tri॒ṣu | prati॑ vīhi॒ prasthi॑taṃ so॒myaṃ madhu॒ pibāgnī॑dhrā॒t tava॑ bhā॒gasya॑ tṛṣṇuhi || ५ ||
Project-owned meaning abhi available nahi hai.
Atharvaveda Śaunaka 20.67.6◌ EeseDharma mein verified
ए॒ष स्य ते॑ त॒न्वो नृम्ण॒वर्ध॑नः॒ सह॒ ओजः॑ प्र॒दिवि॑ बा॒ह्वोर्हि॒तः ।
तुभ्यं॑ सु॒तो म॑घवन् तुभ्य॒माभृ॑त॒स्त्वम॑स्य॒ ब्राह्म॑णा॒दा तृ॒पत् पि॑ब ॥६॥
Roman reading
e॒ṣa sya te॑ ta॒nvo nṛmṇa॒vardha॑naḥ॒ saha॒ ojaḥ॑ pra॒divi॑ bā॒hvorhi॒taḥ | tubhyaṃ॑ su॒to ma॑ghavan tubhya॒mābhṛ॑ta॒stvama॑sya॒ brāhma॑ṇā॒dā tṛ॒pat pi॑ba || ६ ||
Project-owned meaning abhi available nahi hai.
Atharvaveda Śaunaka 20.67.7◌ EeseDharma mein verified
यमु॒ पूर्वमहु॑वे॒ तमि॒दं हु॑वे॒ सेदु॒ हव्यो॑ द॒दिर्यो नाम॒ पत्य॑ते ।
अ॒ध्व॒र्युभिः॒ प्रस्थि॑तं सो॒म्यं मधु॑ पो॒त्रात् सोमं॑ द्रविणोदः॒ पिब॑ ऋ॒तुभिः॑ ॥७॥
Roman reading
yamu॒ pūrvamahu॑ve॒ tami॒daṃ hu॑ve॒ sedu॒ havyo॑ da॒diryo nāma॒ patya॑te | a॒dhva॒ryubhiḥ॒ prasthi॑taṃ so॒myaṃ madhu॑ po॒trāt somaṃ॑ draviṇodaḥ॒ piba॑ ṛ॒tubhiḥ॑ || ७ ||
Project-owned meaning abhi available nahi hai.